Jýaly aýdanynda 8 myń gektardan astam sýarmaly jer bar. Byltyr «Kóksaı» jańa kanaly iske qosylǵaly beri taǵy 3 myń gektar jerdi sýlandyrýǵa múmkindik týdy. Osydan keıin alqapty tamshylatyp sýarý ádisteri de keńinen qolǵa alynýda. Sodan bolar aýdanda tamshylatyp sýarý alańy eki myńnan astam gektarǵa deıin ulǵaımaq.
– Aýdan agrarly aımaq, sondyqtan aýyl sharýashylyǵyna basa nazar aýdarylady, – deıdi bul jóninde Jýaly aýdanynyń ákimi Batyrbek Qulekeev Ortalyq kommýnıkasııa qyzmetiniń Jambyl oblysy óńirlik fılıalynda bergen brıfınginde. – Sondyqtan, tamshylatyp sýarýǵa basym kúsh berip otyrmyz. О́tken jyly sharýalar 18,17 mlrd. teńgeniń ónimin óndirgen. Sondaı-aq, aýdanda kásipkerlik salasy damyp keledi. Jalpy, tirkelgen jeke kásipkerlik sýbektileriniń 98,5 paıyzy jumys isteıdi. Aýdan kásipkerleri 2015 jyly 899,9 mln. teńge nesıe alyp, kásipterin júrgizýde.
Qazirgi tańda «Bıznestiń jol kartasy-2020» baǵdarlamasy aıasynda «Damý» qorynyń kepildigimen jeke kásipker Gúlmıra Ásemova syrt kıimder tigý sehyn ashý úshin 6,1 mln. teńge, «Meshelova Z.» jeke kásipkerligi sút ónimderin óńdeý sehyn ashý úshin 39,0 mln. teńge, ınfraqurylym júrgizýge 20,5 mln. teńge, kásipkerler G.Serikbaeva qurylys materıaldaryn shyǵarý úshin 2,0 mln. teńge, A. Ibragımova kondıter sehyn ashý úshin 10,0 mln. teńge qarjyǵa qol jetkizdi.
Talaıdan beri «jyr» bolyp, qurylysy tym sozylyp ketken Ertaı aýylyndaǵy 120 oqýshyǵa arnalǵan orta mektep jaqynda paıdalanýǵa berildi. Al jalpy smetalyq quny 453 038,0 myń teńgeni quraıtyn Qoshqarata aýylyndaǵy 180 oqýshyǵa arnalǵan orta mektep qurylysy boıynsha 2015 jylǵa bólingen qarjy 280 464 myń teńge tolyǵymen ıgerildi, aǵymdaǵy jyly nysannyń qurylysy aıaqtalady.
«Avtomobıl joldarynyń jumys isteýin qamtamasyz etý» baǵdarlamasy boıynsha 2015 jylǵa aýdandyq mańyzy bar jáne aýylishilik avtomobıl joldaryn orta, aǵymdaǵy jóndeýden ótkizýge aýdandyq bıýdjetten 217 732,0 myń teńge qarastyrylyp, 15,2 shaqyrym jol orta jóndeýden ótkizildi.
Oralhan DÁÝIT,
«Egemen Qazaqstan»
Jambyl oblysy