ASTANA. 1 mamyr. Jerorta teńiziniń Lıvııaǵa taıaý jaǵalaýynda mıgranttar mingen qaıyq daýylǵa tap bolyp, 84 adam iz-túzsiz joǵalyp ketti. Bul týraly 24.kz-ke silteme jasaǵan egemen.kz tilshi habarlady.
Italııanyń jaǵalaý kúzeti zaqymdanyp, ishine sý tolǵan qaıyqty baıqaǵan. Olar 26 bosqyndy qutqaryp, 2 kememen Lampedýza aralyna jetkizgen. Qutqarýshylardyń habarlaýynsha, qaıyqta Lıvııadan shyqqanda 110 mıgrant bolǵan.
Qazir joǵalǵandardy izdeý operasııasy júrip jatyr. BUU-nyń málimeti boıynsha, bıyl Eýropaǵa teńiz arqyly 180 myń adam ótpek bolǵan. Alaıda olardyń 800-ge jýyǵy qaýipti sapar kezinde qaza tapqan.
Talǵat Raıymbek.
Derek, foto: 24.kz.