PAVLODAR. 4 mamyr. Pavlodar oblysy ákiminiń orynbasary bolyp Meıram Begentaev taǵaıyndaldy. Bul týraly pavlodarnews.kz-ke silteme jasaǵan egemen.kz tilshisi habarlady.
Meıram Begentaev V shaqyrylǵan Parlament Májilisiniń depýtaty, Parlament Májilisiniń áleýmettik-mádenı damý komıtetiniń múshesi bolǵan.
«Jańa qyzmette «100 naqty qadam» Ult jospary aıasynda kóptegen mańyzdy mindetterdi oryndaýǵa týra keledi. Sonymen qatar, áleýmettik saladaǵy memlekettik baǵdarlamalardy júzege asyryp, halyqty jumyspen qamtý máselelerine basa nazar aýdarý qajet», – dedi jańa orynbasaryn tanystyrǵan oblys ákimi Bolat Baqaýov.
Meıram Muhametraqymuly 1974 jyly 1 mamyrda Pavlodar oblysy, Ertis aýdany, Zarechnoe aýylynda týǵan. 1991 jyly Jelezın orta mektebin bitirip, Pavlodar ındýstrıaldy ınstıtýtyna oqýǵa túsip, 1996 jyly «Avtomobıl jáne traktor jasaý» mamandyǵy boıynsha ıntsıtýtty úzdik aıaqtaıdy. 1994 jyly S.Toraıǵyrov atyndaǵy Pavlodar memlekettik ýnıversıtetiniń stýdentter kásipodaq komıtetiniń tóraǵasy bolyp saılandy.
1999 jyly Pavlodar ýnıversıtetin «Quqyqtaný» mamandyǵy boıynsha úzdik bitirgen.
1999 jyldyń sáýir aıynan bastap Pavlodar ýnıversıtetiniń mádenıet akademııasynyń dırektory, 2000 jyldyń qyrkúıek aıynan bastap qoǵamdyq ǵylymdar kafedrasynyń oqytýshysy bolǵan.
2003 jyly III shaqyrylǵan Pavlodar qalalyq maslıhatynyń depýtaty bolyp saılandy. Sol jyldyń qazan aıynan bastap S.Toraıǵyrov atyndaǵy Pavlodar memlekettik ýnıversıtetiniń ákimshilik departamentiniń dırektory, prorektor bolyp qyzmet atqardy.
2005 jyldyń sáýir aıynda «Stýdenttik jáne jastar eńbek otrıadynyń Pavlodar oblystyq shtaby» jastar qoǵamdyq birlestiginiń tóraǵasy boldy.
2006 jyldan bastap QR stýdenttik qurylys jáne jastar eńbek otrıadynyń respýblıkalyq shtabynyń birinshi orynbasary, 2007 jyly IV shaqyrylǵan Pavlodar qalalyq maslıhatynyń depýtaty bolyp saılandy, Pavlodar qalalyq maslıhatynyń áleýmettik saıasat boıynsha komıssııasynyń tóraǵasy boldy.
2010 jyldyń jeltoqsan aıynda birinshi prorektor - strategııalyq josparlaý, áleýmettik jáne tárbıe jumysy prorektory bolyp taǵaıyndaldy.
2011 jyly «Nur Otan» halyqtyq-demokratııalyq partııasynyń Pavlodar oblystyq fılıalynyń Pavlodar oblystyq qoǵamdyq saılaý aldyndaǵy shtabynyń tóraǵasynyń orynbasary boldy.
Farıda Byqaı.
Derek, foto: pavlodarnews.kz.