ASTANA. 4 mamyr. Investısııalar jáne damý vıse-mınıstri bolyp Haırov Erlan Qartaıuly taǵaıyndaldy. Bul týraly inform.kz-ke silteme jasaǵan egemen.kz tilshisi habarlady.
Erlan Qartaıuly 1978 jyly 15 maýsymda Qaraǵandy qalasynda týǵan.
1999 jyly «Halyqaralyq ekonomıkalyq qarym-qatynastar» mamandyǵy boıynsha Qaraǵandy memlekettik E.Bóketov atyndaǵy ýnıversıtetin bitirgen.
1999 jyldan 2001 jylǵa deıin syrtqy ekonomıkalyq baılanystar salasynda memlekettik organdarynda jumys atqardy.
2002-2004 jyldary Premer-Mınıstr Keńsesiniń syrtqy baılanystar bólim meńgerýshisiniń orynbasary boldy.
2004 jyldan 2006 jylǵa deıin Prezıdent Ákimshiliginiń Syrtqy saıasat ortalyǵynyń bas ınspektory, 2006 jyly Ekonomıka jáne bıýdjettik josparlaý mınıstrliginiń ákimshilik basshysynyń qyzmetin atqardy.
2006-2007 jyldary «Atameken» kásipkerler jáne jumys berýshiler odaǵynyń basqarma tóraǵasynyń orynbasary, basqarma tóraǵasynyń keńesshisi, 2007-2010 jyldary syrtqy baılanystar boıynsha «Qazaqtelekom» aksıonerlik qoǵamynyń atqarýshy dırektory laýazymyn atqardy.
2010 jyly - KAZNEX INVEST eksport jáne ınvestısııa jónindegi ulttyq agenttigi aksıonerlik qoǵamynyń Eýropa elderi boıynsha óńirlik dırektory, 2011 jyldyń aqpanynda Indýstrııa jáne jańa tehnologııalar mınıstrliginiń ınvestısııa komıteti tóraǵasynyń orynbasary qyzmetine taǵaıyndaldy.
2013 jyldyń aqpanynan bastap Indýstrııa jáne jańa tehnologııalar mınıstrliginiń ınvestısııa komıtetiniń tóraǵasy. Al 2014 jyldyń qazanynan bastap Investısııalar jáne damý mınıstrligi ınvestısııa komıtetiniń tóraǵasy boldy.
Aıan Ábdýálı.
Derek, foto: inform.kz.