ALMATY. 5 mamyr. Sońǵy jyldary «Naǵyz almatysha» qoǵamdyq qory ótkizip júrgen «Eń úzdik aýla sypyrýshy» baıqaýy Almatyda bıyl da jalǵasatyn boldy. Bul týraly Qazaqsan baspasóz klýbyna silteme jasaǵan egemen.kz tilshisi habarlady.
Aýlalardy taza ustap, dýaldar men jol jıekterin syrlaý, gúlzarlar men kók shalǵyndy tegistep qyrqýdy ózine mindet etip alǵan jandarǵa arnalǵan bul baıqaýdyń bastalǵanyna bıyl 4 jyl.
Aýqymdy jobanyń birinshi kezeńi bıyl 1 mamyrda bastalyp, 1 maýsymǵa deıin sozylady. О́tinimde úmitker týraly aqparatty jáne oǵan bekitilgen aýmaqty kórsetý qajet. 15 maýsymnan bastap 15 tamyzǵa deıin sozylatyn ekinshi kezeńde daýys berý ótpek. Baıqaýdyń osy kezeńinde árbir almatylyq onyń oıynsha eń úzdik aýla sypyrýshy degen mártebege laıyq adamǵa óz daýysyn bere alady.
Bıylǵy «Eń úzdik aýla sypyrýshy» baıqaýynyń júlde qory 650 000 teńgeni qurap otyr: birinshi orynǵa – 200 000 teńge, ekinshi orynǵa – 150 000 teńge beriledi. Úshinshi orynǵa beriletin 100 000 teńgege teń syılyqty úsh qatysýshy ala alady.
Jyl saıyn osy baıqaýǵa qarjylyq demeýshilik jasap kele jatqan «Efes Qazaqstan» kompanııasy korporatıvtik qatynastar departamentiniń dırektory Shyńǵys Qaskeev bul joba Qazaqstannyń eń iri megapolısindegi turǵyndardyń ómir súrý sapasyn jaqsartýǵa baǵyttalǵanyn jáne bul kompanııanyń korporatıvtik-áleýmettik jaýapkershiligi aıasynda osy bastamany qoldap otyrǵandyǵyn aıtady.
Aınash Esalı.
Derek, foto: Qazaqsan baspasóz klýby.