Polıseıler eki kúnde araq ishken 35 júrgizýshini ustady

QOSTANAI. 17 mamyr. Qostanaıda jergilikti polıseıler eki kúnde spırttik ishimdik iship alyp, kólik basqarǵan 35 adamdy ustady. Bul «Mas júrgizýshi—qylmysker!» jedel sharalar sheńberinde múmkin boldy. Bul týraly oblystyq ishki ister departamentiniń baspasóz qzymetine silteme jasaǵan egemen.kz tilshisi habarlady. Osy shara barysynda jol-kólik qozǵalysy erejesiniń 659 buzylýy anyqtaldy. Operasııa júrgizý kezinde oblys óńirinde eshqandaı jol-kólik oqıǵasy oryn alǵan joq. Polısııa maıory Iýrıı Panasenko: «35 masań júrgizýshiniń syrtynda buryn sot arqyly júrgizýshi quqyǵy kýáligi alynyp qoıǵan adamdar júrgizip júrgen 4 jeńil mashına toqtatyldy», – dedi. Jergilikti polısııa qyzmetkerleriniń aıtýynsha, aksııa kezinde jyldamdyqty kótergen 153 júrgizýshi, qarsy jolaqqa shyǵyp ketken 2, joldan ótýde erejeni buzǵan 8, qaýipsizdik belbeýin taqpaǵan 149, rýlde kele jatyp telefonmen sóılesken 87, terezesin qara shynymen tumshalaǵan 4 júrgizýshi ákimshilik jaýapkershilkke tartyldy. Sonymen qatar, jol erejesin buzǵan 70 júrginshi de jaýapkershilikten tys qalmaıtyn boldy. Názıra Járimbetova. Derek, foto: Qostanaı oblystyq ishki ister departamentiniń baspasóz qyzmeti.