О́zin ózi basqarýdy damytý – ýaqyt talaby

Memleket basshysy Nursultan Nazarbaev usynǵan «100 naqty qadam» Ult Josparynyń elimizdi damytýdaǵy róli aıryqsha. Onda atap kórsetilgen máselelerdiń bar­lyǵy da ózindik mánge ıe. Máselen, Ult Josparyndaǵy 97-qa­damnyń talaptary aldymyzǵa kóptegen mindetterdi qoıyp otyr. Bul min­detterdi júzege asyrýdyń ózektiligin barsha qazaqstandyqtar jete túsinedi dep oılaımyz. Jalpy, 97-qadam jergilikti ózin ózi basqarýdy damytý ar­­­qyly azamattardyń sheshim qabyldaý úderisine qatysý múm­kindigin keńeıtýge jol ashady. Osy oraıda 2015 jyldyń 2 qarashasynda jergilikti ózin ózi basqarý organdarynyń quzyretin keńeıtý boıynsha sáıkes norma­laryn engizetin «Qazaqstan Res­pýblıkasynyń keıbir zań­na­ma­lyq aktilerine Qazaqstan Res­pýblıkasynda jergilikti ózin ózi bas­qarýdy damytý máseleleri  boıynsha ózgerister men tolyqtyrýlar en­gizý týraly» Zań qabyldanǵan bolatyn. Ýaqyt talabyna saı qabyldanǵan bul zańnama aıasynda jergilikti qoǵamdastyq jınalysyna ákim­derdiń kandıdatýralaryn qyzmetke taǵaıyndaýǵa kelisim berý, kom­mýnaldyq menshikti basqarý, ákimderge jer resýrstaryn basqarý boıynsha ókilettikterin berý jónindegi normalar qarastyrylǵan. Sondaı-aq, qala turǵyndaryn jer­gilikti mańyzy bar máselelerdi sheshý úshin Astanada, respýblıkalyq jáne oblystyq mańyzy bar qalalarda jergilikti ózin ózi basqarýdyń aýmaqtyq keńesterin qurý máseleleri qamtylǵan. Atalǵan keńesterdiń negizgi mindeti – bıliktiń atqarýshy jáne ókiletti organdary arqyly azamattardy TKSh máselelerin sheshýge, quqyq buzýshylyqtyń aldyn alýǵa tartý. Osy arada 97-qadam talaptaryn júzege asyrý baǵytyndaǵy, ıaǵnı aýdan ákiminiń aýyl ákiminiń kandıdatýrasyn jergilikti qoǵamdastyq jınalysynyń sheshimimen kelisý jáne ony qyzmetten bosatý máse­lesin kóterý jónindegi normalardy, jergilikti ózin ózi basqarý máseleleri jónindegi ýákiletti organdy anyqtaý­dy, Astanada, oblystyq jáne respýblıkalyq ma­ńy­zy bar qalalardaǵy tur­ǵyn úı-kommýnaldyq sha­rýashylyqtyń jumys isteýi, aýmaqtyń sanıtarııalyq jaı-kúıi men quqyq buzýshylyqtardyń aldyn alý máselelerin sheshý úshin jergilikti ózin ózi basqarýdyń aýmaqtyq keńesterin qurýdy qarastyratyn birqatar mańyzdy qujattar qabyldanǵanyn aıta keteıik. Osy qujattardyń barlyǵy jergilikti ózin ózi basqarýdy damytý jumystaryn júıeli túrde júrgizýge múmkindik beredi. Taǵy bir toqtala keter jaıt, jergilikti ózin ózi basqarýdy damytý kezeń-kezeńmen iske asyrylatyn bolady. Birinshi kezeńde aýdandyq mańyzy bar qala, aýyl, kent jáne aýyldyq okrýg deńgeıinde derbes bıýdjetimen jáne jeke­menshigimen tolyqqandy ózin ózi basqarýdy qurý kóz­deledi. Naqtylaı aıtqanda, Prezıdent janyndaǵy Jańǵyrtý jónindegi ulttyq komıssııanyń usynysyna sáıkes jergilikti ózin ózi basqarýdyń derbes bıýdjetin jáne jekemenshigin engizý 2018 jyldan bastaı otyryp kezeńdermen iske asyrýǵa usynylyp otyr. Bul usynystardy ári qaraı jetildirý maqsatynda Ulttyq ekonomıka mınıstr­liginde zań jobasyn ázirleý boıynsha jumys bastalyp, onyń sheńberinde elimizdegi jergilikti ózin ózi basqarý júıesin ári qaraı damytýdyń negizgi tu­jy­rymdamalyq baǵyttardyń sheshilýi qarastyrylady. Atalǵan zańnamany ázirleý barysynda EYDU elderiniń tájirıbesi zertteletin bolady, sondaı-aq, halyq­aralyq jáne otandyq memlekettik emes uıymdardyń usynystary da eskeriledi. Marǵulan ERMAǴANBETULY, Ulttyq ekonomıka mınıstrliginiń О́ńirlik saıasat jáne jergilikti ózin ózi basqarýdy damytý departamenti jergilikti ózin ózi basqarýdy damytý basqarmasynyń basshysy