Almatyda ózge ult ókilderi qazaq tilinen dıktant jazady

ASTANA. 17 mamyr. Almaty qalasynda ózge ult ókilderi qazaq tilinen dıktant jazady. Bul týraly inform.kz-ke silteme jasaǵan egemen.kz tilshisi habarlady. Jalpyqazaqstandyq ashyq dıktant el Táýelsizdiginiń 25 jyldyǵy aıasynda ótetin «Máńgilik El» patrıottyq aktisine arnalady. Bul shara erteń Dostyq úıinde ótedi. «Máńgilik El» patrıottyq aktisin nasıhattaý arqyly memlekettik tildi bilýge qyzyǵýshylyqty arttyryp, qazaqstandyq biregeılikti qalyptastyrý, qoǵamdyq kelisim men el birligin nyǵaıtý kózdelip otyr. «Turaqtylyqty, qazaqstandyq biregeılik pen birlikti nyǵaıtý, Qazaqstan halqyn toptastyrýshy faktor retinde memlekettik tildiń rólin nyǵaıtý, qatysýshylarǵa qazaq tilin bilý jáne saýatty jazý deńgeıin tekserýge múmkindik berý, saýatty qoǵam bolýdyń mańyzdylyǵyna nazar aýdartý basty mindet», – dedi Almaty qalasy ákimi apparatynyń ókili Eńlik Erbolqyzy. Talǵat Súıinbaı. Derek, foto: inform.kz.