Qaraǵandyda elimizdegi tuńǵysh ahýaldyq ortalyq ashyldy

QARAǴANDY. 17 mamyr. Qaraǵandyda densaýlyq saqtaý salasynyń tuńǵysh ahýaldyq ortalyǵy ashyldy. Bul týraly oblys ákiminiń baspasóz qyzmetine silteme jasaǵan egemen.kz tilshisi habarlady. Ortalyqty qurýdyń arqasynda oblystyq densaýlyq saqtaý basqarmasy óńirdegi densaýlyq saqtaý júıesin qadaǵalaý jáne basqarýdyń tıimdi tetigine qol jetkizedi. Sonymen qatar, atalǵan ortalyq medısınalyq uıymdar, mamandandyrylǵan qyzmetter jumysynyń kórsetkishterine jedel monıtorıng júrgizip, olardyń qyzmetin udaıy qadaǵalap otyrýǵa múmkindik beredi. Ahýaldyq ortalyq jumysy jolǵa qoıylǵanda mańyzdy aqparattar jedel alynyp,  basqarýshylyq sheshimder ýaqtyly qabyldanyp, barlyq deńgeıdegi densaýlyq saqtaý salasy jumysynyń tıimdiligi artady jáne turǵyndar densaýlyq saqtaý júıesine qanaǵattanarlyq baǵa beredi dep kútilýde. Qaırat Ábildınov. Derek, foto: Qaraǵandy oblys ákiminiń baspasóz qyzmeti.