Araqqa sylqııa toıyp

ózgelerge áńgirtaıaq oınatqan sheneýnik jazasyn aldy Esil aýdany prokýra­tý­rasynyń uıǵarymymen aýdan­dyq bilim berý bóliminiń bas mamany T.Bektasov qyz­metinen alastatyldy. Memle­kettik qyzmet etıkalyq kodeksi­niń talaptaryn óreskel buzǵany úshin ol tıisti jazasyn aldy. Kishi sheneýnik keshki ýaqytta úıinde jutyp alǵany azdaı «Túrkistan» oıyn-saýyq ortalyǵyna kelip, óz­gelerge áńgirtaıaq oınatqan. Qoǵamdyq orynǵa kelgennen keıin jalpyǵa ortaq tártipti saqtap, betegeden bıik, jýsannan alasa bolyp otyrýdyń ornyna demalýshylardyń berekesin ketirgen. Temeki tartyp, ishimdik ishýdi beı-bereket jalǵastyrǵan. Oryndy eskertýlerge qulaq asýdyń ornyna asaý attaı er-toqymyn baýyryna ala týlap, dámhana qyzmetkerlerin balaǵattap, qorqytyp, úrkitken. Daıashylarǵa dene jaraqatyn keltirgen. A.Medvedevanyń betin jaralaǵan. Onyń shekten shyqqan «erkeligine» shydamaǵan oı­yn-saýyq ortalyǵynyń ákim­shisi polısııa ókilderin shaqyrtýǵa májbúr bolǵan. Sóıtip qana «aqmaǵambettiń» býyna mastanyp, aınala­syn­daǵylardyń ábden mazasyn alǵan sabazdy sabasyna tú­sirgen. Medısınalyq sarap­tama onyń mas bolǵanyn aı­ǵaqtaǵan. Osy fakt boıynsha prokýratýra is qozǵap, zańsyzdyqtardy joıý týraly aýdandyq ákim­dikke usynys joldaǵan. Pro­kýrorlyq yqpal etý aktisiniń qorytyndysy boıynsha bilim bólimi basshysynyń buı­ry­ǵymen T. Bektasov qyzmetinen bosatylǵan.  Baqyt RAMAZAN,  jýrnalıst Soltústik Qazaqstan oblysy, Esil aýdany