«Qulager» poemasy

nemis tilinde jaryq kórdi Qazaq halqynyń má­denıeti men óne­rin, tarıhı salt-sanasyn jáne adamdar arasyndaǵy alýan túrli tartys pen Aqan seriniń jan serigine balaǵan arǵymaǵynyń tragedııa­ly taǵdyryn tamasha tilmen baıandaǵan poemanyń ne­misshe qalaı sóılegeni, árıne, qyzyq. Jylqy malymen birge jasap, bite qaınasqan qazaqtyń tili men uǵymyndaǵy jyl­qynyń túsine, synyna qatysty ataýlar men uǵym­dar nemisshelegende qan­shalyqty túpnusqaǵa jaqyn bola aldy eken deıtin saýal kópshiliktiń kókeıinde turary sózsiz. Osydan birer aı bu­ryn, naýryzda kitap­tyń nemis tilindegi nusqasy Ger­manııanyń Leıpsıg qalasynda al­ǵash oqyrman qaýymǵa tanystyrylyp, tusaýy kesildi. «Qulager» jylda ótetin halyqaralyq Leipziger Buchmesse ki­tap jármeńkesinde jurt­shylyqqa usynyldy. Atalmysh kitaptyń eli­mizdegi tusaý­keseri osy jyl­dyń 25-27 mamyry kúnderi Astana men Alma­ty qalalarynda ótedi. Ar­naıy uıymdastyrylǵan is-sharaǵa aýdarma jumys­taryna qatysqan bir­qa­tar aýdarmashylar men Ilııas Jansúgirovtiń qyzy – Ilfa Ilııasqyzy shaqyryldy. Aıan ÁBDÝÁLI, «Egemen Qazaqstan»