Tatarstanmen yntymaqtastyq

ıntegrasııany keńeıtedi, ınvestısııany kóbeıtedi Jaqynda Qostanaı oblysynyń ákimi Arhımed Muhambetov bas­taǵan quramynda «Tobyl» ÁKK ókilderi, iri ónerkásip jáne aýyl sharýashylyǵy kásip­oryn­dary basshylary bar oblys delegasııasy Tatarstanda bo­lyp qaıtty. Týysqan tatar eli ekonomıkasynda aýyl sharýa­shylyǵy óńdeý óndirisiniń, qus sharýashylyǵynyń jáne mashına jasaý óndirisiniń damý qarqyny erekshe. Olarda úıre­netin úrdister jetkilikti. Oblys delegasııasynyń maqsaty da ozyq tehnologııalarmen tanysý, ekijaqty alys-beriske kelisim jasaý bolatyn. Eki kúndik saparda qostanaılyqtar «Aq bars» qus sharýashylyǵy kesheni» bir­lestiginiń Laıshev fılıalyn­da, «Maıskıı» jylyjaı kombınatynda, «Ford sollers» avtomobıl zaýytynda boldy. «Qazan» agroónerkásiptik parki naǵyz ınno­va­sııalyq óńdeý júıesi bolyp tabylady. 5 myń sharshy metr aýmaqqa 8 shaǵyn óńdeý sehy ornalasqan, munda barlyq sanıtarlyq normalar saqtalǵan, olar aýyl sharýa­shylyǵy ónim­derin óńdeýmen aınalysatyn kásip­kerlerge jalǵa beriledi. Sonda bıznesin bastaǵan olar­dyń shyǵyny óte az bolady. О́n­di­rilgen ónim saýdaǵa osy jerden tikeleı shyǵarylady. Aýyl sharýashylyǵy ónerkásibi parkiniń dırektory Oleg Vlasovtyń aıtýynsha, osynda uıymdastyrylǵan saýda alańynyń arqasynda tutynýshyǵa ónim bazar baǵasynan 20 paıyzǵa arzan bolyp jetedi. Tatarstannyń basqa qalalarynda da osyndaı keshenniń kishigirim túrlerin ashý oıda bar eken. Aýyl sharýashylyǵy ónimderin óńdeý men ony satýda problemaly máseleleri áli de jetkilikti Qos­tanaı oblysy úshin tatar aǵa­ıyn­dardyń myna tájirıbesi úı­renetin-aq úrdis eken. Qostanaı oblysynda eki ın­dýstrııalyq aımaq qury­ly­sy­nyń bastalýyna jáne onda ón­diristik ónerkásipti keńeıtý, ásirese, avtomobıl bólshekteri kásipornyn qurý maqsatyna oraı, Tatarstandaǵy ındýstrııalyq park tájirıbesine erekshe kóńil bólindi. Sonymen qatar, oblys basshylyǵy men bıznes-qurylym ókilderi Tatarstan­daǵy «Hımgrad» tehnopolısin, «Alabuǵa» erekshe ekonomıka­­lyq aı­­maǵyn jáne jumysyn zama­naýı tehnologııa salasyna qaraı bur­ǵan IT-parkin, «Master» ın­dýstrııalyq aımaǵyn aralap kórdi. Munyń barlyǵy da memleket pen jekemenshik áriptestiginiń tamasha mysaly bolyp tabylady. Memleket tarapynan park aýmaǵynda bıznestiń damýyna qolaıly jaǵdaı ja­salǵan, ıaǵnı kommýnaldyq ın­fraqurylym, kólik logıstıkasy, rezıdentter úshin salyq jáne kedendik jeńildikter tolyq qamtamasyz etilgen. Osylaısha, aımaq úshin dástúrli óndiris salalaryn saqtaý, ásirese, sheteldik kom­panııalar úshin bıznes klımatty jaqsartý, shaǵyn jáne orta bızneske yntylandyrý, jumys oryndaryn ashý, bıýdjetke qarjy túsirý sııaqty birneshe másele qatarynan sheshimin tap­qan. Mundaı másele­lerdiń bar­lyǵy da Qostanaı oblysy úshin mańyzdy ekeni daýsyz. О́ndiris nysandaryn aralaǵan kezde Qostanaı oblysynyń áki­mi Arhımed Muham­betov pen Tatar­stan premer-mınıstri Ildar Ha­lıkov bolashaqtaǵy naqty ynty­maq­­tastyq máselelerin talqylady. Sapar aıasynda Arhımed Mu­hambetov Tatarstan Respýb­lıka­synyń prezıdenti Rýstam Mı­nnıhanovpen kezdesti. Tatar­stan prezıdenti qazaq pen tatardyń rýhanı baılanysy ǵasyrlar tere­ńine ketetinin atap ótti jáne týys­qan halyqtar ara­syndaǵy yn­ty­maqty nyǵaıtý úshin kóp jumys atqaryp kele jat­qan Qa­zaq­stan Prezıdenti Nursultan Nazar­baevqa rıza­shylyǵyn bildirdi. Tatarstanda Qazaqstanmen birlesken 36 kásiporyn jumys isteıdi. Sondaı-aq, Tatarstannyń «Tatneft», «KamAZ», Qazan tikushaq zaýyty, «KER-holdıng», Zelenodol keme jasaý zaýyty, Sergo atyndaǵy zaýyt sekildi iri kásiporyndar Qazaqstanda da belsendi jumys isteıdi. «Bizde mashına, tikushaq quras­tyrý, munaı ónerkásibi salasynda birlesken jobalar kóp. Agro­ónerkásip sektorynda, aýyl sharýashylyǵy ónimderin óńdep, satý salasynda Qostanaı obly­symen yntymaqtasa jumys isteı­miz dep oılaımyn. Árıne, ob­lystyń mıneraldy shıkizat baı­lyǵyn eskere otyryp, ynty­maqtastyqtyń ındýstrııalyq múmkindigin de qarastyratyn bolamyz», dedi Tatarstan prezı­denti. Sonymen qatar, ol máde­nıet jáne bilim salasyndaǵy baı­la­nys­tardyń da nyǵaıatynyn atap ótti. О́z kezeginde Qostanaı obly­synyń ákimi  bul kezdesýdi ekijaqty ınte­gra­sııanyń jarqyn úlgisi ekenin aıtty. Ol Qostanaı oblysy Qazaq­stannyń agrarlyq-óndiristik aı­maǵy ekenin aıta kelip, oblys ákimi sońǵy jyldary ónerkásip pen aýyl sharýashylyǵy ónimin óńdeý salasyn damytýǵa bet burǵanyn tilge tıek etti. Oblysta júzege asyrýǵa josparlanǵan joba­lardy, oblystyń ınves­tı­sııa­lyq bolashaǵy zor aımaq­tarymen tanystyrǵan oblys ákimi tatarstandyq kompanııa­lar­dy birlesip jumys isteýge sha­qyrdy. Aıtqandaı, jyl basyn­da Qazan qalasynda «Tobyl» ÁKK men Tatarstan ınves­tı­sııa­­lyq agenttiginiń arasynda oblysqa ınvestısııa tartý jó­nindegi ynty­maqtastyq keli­simge qol qoıylǵan bolatyn. Jer­­gilikti bıznesti qoldaý jáne shet­eldik kompanııalardy tartý táji­rıbelerin úırený úshin olardy qaraý, tanysý mańyzdy. «Biz óndiris kólemin ulǵaıtý men ózimizdegi ekologııalyq taza ónimniń eksporttyq geografııasyn keńeıtý máseleleri boıynsha usynysty qaraýǵa daıynbyz», dedi Arhımed Muhambetov. Tatarstan delegasııasynyń aldaǵy ýaqytta Qostanaıǵa jaýap sapary bolady. Názıra JÁRIMBETOVA, «Egemen Qazaqstan» QOSTANAI