О́SKEMEN. 18 mamyr. Kýrchatov qalasynda Memleket basshysynyń «100 naqty qadam» Ult Josparyn júzege asyrý maqsatynda balalarǵa arnalǵan oıyn-saýyq kesheni ashyldy. Bul týraly Shyǵys Qazaqstan oblysynyń aqparattyq ortalyǵyna silteme jasaǵan egemen.kz tilshisi habarlady.
Birneshe seksııalardan turatyn jańa nysanda balalardyń ýaqyttaryn kóńildi ótkizip, alańsyz oınaýyna jaǵdaı jasalǵan. Munda batýttar, átkenshekter, rolık alańy, qorǵandar men úrme syrǵanaqtar qoıylǵan. Sondaı-aq, 150 orynǵa eseptelgen banket zaly bar. Barlyǵy 118 mıllıon teńgege salynǵan jańa nysanda balalar merekesin ótkizýge bolady.
Sonymen qatar, shaǵyn qalada aldaǵy ýaqytta «Bıznestiń jol kartasy – 2020» baǵdarlamasy aıasynda azyq-túlik dúkeni ashylady.
Dýman Anash.
Derek, foto: Shyǵys Qazaqstan oblysynyń aqparattyq ortalyǵy.
