Qarataý qalasynda 2 ınvestısııalyq joba iske asyryldy

TARAZ. 18 mamyr. Qarataý qalasynda ótken jyly jalpy quny 1 mlrd. 200 mln.teńge bolatyn 2 ınvestısııalyq joba iske asyryldy. Bul týraly egemen.kz tilshisi habarlady. Onyń birinshisi, «Talas Investment Company » JShS-i jınalmaly tarany shyǵarý jobasy. Ol jylyna 150 myń dana 50 kılo bolat barabany men 18 myń dana 400 kılo aǵash jáshik daıyndaıtyn bolady. Jobanyń quny 412 mln. teńge. Turaqty jumyspen 40 adam qamtyldy. Búgingi tańda 5 000 dana 50 kılo bolat barabany, 750 dana 400 kılo aǵash jáshigi shyǵaryldy. Ekinshisi, «Talas Investment Company » JShS-i zaýyttan shyqqan tehnıkalyq sýdy bıologııalyq tazalaý jobasy. Onyń quny – 787,8 mln. teńge. 24 jańa jumys orny ashyldy. Bul týraly óńirlik kommýnıkasııalar qyzmetinde «Monoqalalardy damytýdyń 2012-2020 jyldarǵa arnalǵan baǵdarlamasyn» iske asyrý barysy týraly ótken brıfıngte Qarataý qalasynyń ákimi Qoıshybaı Mahashev aıtty. Qala ákiminiń aıtýynsha, «Qarataý qalasynan 2015-2017 jyldary damytýdyń keshendi josparyna» engizilgen jańa «zákirli» joba: jobalyq quny 5 mln.teńge bolatyn jylyna 300 myń tonna M-400, M-500 markaly sement shyǵaratyn zaýyttyń («Jambyl Nedr» JShS) qurylys jumystary júrgizilýde. Zaýytty 2016 jyldyń ekinshi jartyjyldyǵynda iske qosý josparlanýda. Zaýytty iske qosqan jaǵdaıda 200 adam jumyspen qamtylmaq. Qazirgi tańda zaýyt qurylysynda 173 adam jumys isteıdi, onyń ishinde jumyspen qamtý ortalyǵy arqyly 99 adam. Qurylys jumystary 100 paıyzǵa aıaqtalyp, montaj qondyrǵylarynyń 85 paıyzy ornatyldy. Sonymen qatar 2016 jyldyń ekinshi jartyjyldyǵyna óńirlik ındýstrııalandyrý kartasyna engizý úshin jylyna 250,0 myń tonna mármár tasyn óńdep shyǵaratyn zaýyttyń qurylysy («Qarataý Pro» JShS) jobasy daıyndalýda. Jobanyń quny – 1 mln. 143,7 myń tenge. Zaýyt iske qosylǵanda 200 adam jumyspen qamtylady. Qazirgi tańda 60 adam jumys isteıdi. Zaýytty bıylǵy jyldyń ekinshi jartyjyldyǵyna  qosý josparlanýda. Qazirgi tańda Qarataý qalasynan zaýyt soǵylatyn jer telimi máseleleri týraly jumystar jasalynyp, karer tolyqtaı geologııalyq zerteýden ótkizilgen. «Áriptestik baǵdarlamany júzege asyrý maqsatynda «Talas Investment Company » JShS jáne «Jambyl Nedr» JShS Qarataý qalasyndaǵy jeke kásipkerlermen jalpy 101,2 mln.teńgege, onyń ishinde 2014 jyly – 71,3 mln.teńgege jáne 2015 jyly – 29,9 mln.teńgege kelisim sharttarǵa otyrǵan. Qazirgi tańda zaýytta 408 adam jumys isteıdi, onyń ishinde jumyspen qamtý ortalyǵynyń joldamasymen 405 adam qabyldanǵan. Oralhan Dáýit. Derek, foto: egemen.kz