Súıekten de syr túıýge bolady

«El ishi – óner kenishi» dege­nimiz ras. Izdeı berseń, injý-marjan tabylyp jatatynyna da qanyqpyz. Sonyń bir mysalyn Aqmola oblysynyń Shortandy aýylynda turatyn Bektas Kárimge qaratyp aıtýǵa bolady. Bektas baýyrymyz erekshe sýretshi bolyp shyqty. Onyń basqalardan aıyrmashylyǵy, artyqshylyǵy desek te bolar, ká­dimgi maldyń súıeginen qolóner buıymdaryn jasaıdy. Jalpy, súıekten óner týyndysyn týdyrý erteden bar. Biraq, Bektas Kárimniń aıtýynsha, Qazaqstanda mundaı bastamany ol bir kezdegi ataqty qolóner sheberi Dárkenbaı Shoqparulynan keıin ekinshi bolyp qolǵa alyp otyr. Sebebi, basqa sýretshiler men músinshiler súıekti tolyǵymen, ıaǵnı ony qaz-qalpynda bir kompozısııaǵa arnaıdy eken. Al Bektas súıekti oıyp, odan ǵa­jaıyp beıneler jasaı beredi. Búgingi kúni sýretshi aýdan­dyq mádenıet úıinde eńbek etip júr. Onda óziniń arnaıy mektebin de ashty. Otyz jyl­ǵa jýyq ha­lyq ónerin túr­len­dirýge úles qosyp kele jatqan Bektastyń mektebinde on bala tálim alýda. – Negizgi maqsat – óz bilgenińdi urpaqqa úıretý. О́zińniń súıekten jasaǵan dúnıelerińdi kim úırenem dese, kim surasa, sonyń jolyn uqtyryp, kórsetip, ıgilikke jaratý, – deıdi sheber. Súıekten túıin túıýden bólek, sýretshi munda sahnany árleý, shymyldyqty túrlendirý, kıim­der úlgisin jasaýmen de aınalysady. Baqbergen AMALBEK, «Egemen Qazaqstan» Aqmola oblysy