«Jas qanat» qanat qaqty

Talanttyny tanyp, óner­lini órge shyǵarýda «Jas qanat» jobasynyń alar orny aıryq­sha ekeni aıtpasa da aıqyn. Qa­zirgi qazaq sahnasyndaǵy ja­ryq juldyzdardyń jolyn ashyp, án álemindegi óner maıtal­man­darynyń bastaý baspaldaǵy bol­ǵan da osy jarys desek, jańy­lyspaıtyn shyǵarmyz. Táýelsiz elimizben túıdeı qurdas bul baıqaýdyń bıylǵy jańalyǵy da jeterlik, maqsattary da mańyzdy. Sahna sańlaqtaryn saraptaıtyn saıystyń shymyldyǵy keshe túrildi. Saıdyń tasyndaı iriktelgen qatysýshylardyń da qarqyny qatty deıdi uıym­das­tyrýshylar. Bıylǵy úmitker­lerdiń arasynda, «Úsh júz» to­by (Qaraǵandy), Nurıslam Qamıt­bekov (Jezqazǵan), Qarshyǵa Il­tanov (Semeı), Parasat Otan (Semeı), Aıbergen Bolathan (Tal­dyqorǵan), Aqjol Saparaly (Almaty), Ádemi Qońyratbaı (Almaty), Ernar Dúıseev (Aqtó­be), Jalǵas Sultanov (Astana), Aıbek Dáýletqalıev (Oral), Laýra Taýsarova (Aqtóbe), Aı­zada Álimbekova (Shymkent), Ma­lıka Ahmetjanova (О́skemen), Nurjan Orazov (Aqtóbe) syndy júzden júırik shyqqan jas daryndar bar. О́ziniń qalaǵan ónerpazyna qoldaý kórsetýge kelgen kórer­menniń de qarasy qalyń. Úsh kún buryn sýyrylǵan jerebe boıyn­sha sahna tórine alǵash bolyp «Úsh júz» toby kóterildi. Belgisiz toptyń oryndaýyndaǵy «Belgisiz jan» áni sátti shyqty deýge bolady. Oǵan kórermenniń qol soǵyp, qosyla oryndaýy dálel. «Jas qanattyń» alǵashqy je­ńimpazdary Medeý Arynbaev, Erlan Kókeev, Madına Sádýa­qasova sııaqty belgili óner juldyz­darynan quralǵan qazylar alqasy úsh kún boıy úmitkerlerdiń talabyn tamashalap, baǵasyn beredi. Aıta ketetin taǵy bir jaıt, saıys 22 mamyr kúni qorytyndylanyp, «Jas qanattyń» jańa jeńimpazy anyqtalady. Raýan QAIDAR, «Egemen Qazaqstan» Sýretti túsirgen Sultan SEIIT