Alǵyr qyzdyń alǵashqy kitaby

Anglııa baspasynan jaryq kórmek Bıyl kúzde  Brıtanııanyń «Hertfordshire Press» baspa úıinen Astana qalasynyń 11 jasar turǵyny Maıde Aqannyń kitaby shyǵady. Buldirshin qyzdyń kitaby  «Aysu and a magic bag» («Aısý men sıqyrly sómke») dep atalady. Onda Aısý degen qyz týraly baıandalady. – Bul kitapta Aısý men tabıǵatty qorǵaıtyn ǵajaıyp qus týraly jazdym. Meniń keıipkerim eshqandaı baladan erekshelenbeıdi. Ol – tabıǵatty jaqsy kóretin qyz. Bir kúni qurbylarymen oınap júrgende, ol ǵajaıyp qusty kezdestiredi. Qus adamnyń tilin biledi eken. Sol qus oǵan tabıǵatty qorǵaý týraly áńgimeler aıtyp qyzyqtyrady. Sodan keıin Aısýdyń qyzyqty hıkaıalary bastalady. Ol quspen birge ekologııanyń tazalyǵy men qorshaǵan ortany qorǵaý úshin bárin jasaıdy, – deıdi kitaptyń avtory. Qazir Maıdeniń kitabyna qyzyǵýshylar kóbeıip jatyr. Endi osy jyly kitap jaryqqa shyqsa, qoldan-qolǵa ketetin túri bar, deıdi aǵylshyn baspasynyń mamandary. Brıtanııada qazaq qyzynyń eńbegine osyndaı baǵa berilip jatsa, jas jazýshyǵa tilektes bolyp, tek qýaný kerek.  Maıde sonymen birge, sýret salady, eko-dızaınmen aınalysady. Onyń AYBAG dep atalatyn eko brendi bar. Bul kompanııa eresekter men balalarǵa arnalǵan ekologııalyq sómkeler tigedi. Sómkeniń betinde ózi salǵan sýretter beınelengen. Al kitaptyń tusaýkeseri  «V Open Eurasia and Central Asia Book Forum & Literature Forum» halyqaralyq ádebı festıvalinde ótedi dep josparlanyp otyr. Kitap 1000 danamen shyǵady. Dastan KENJALIN, «Egemen Qazaqstan»