Qosymsha shyǵyndar talap etilmeıdi

Keshe Májilis Spıkeri Baqtyqoja Izmuhambetovtiń tóraǵalyǵymen Májilis bıýrosy ótti, dep habarlady osy palatanyń baspasóz qyzmeti. Onda aldaǵy jalpy otyrys­tyń kún tártibi qaralyp, ha­lyq qalaýlylary talqysyna «Táýelsiz Memleketter Dos­­tas­­tyǵyna qatysýshy mem­leket­terdiń aýmaqtarynda birlesken jedel-tergeý toptaryn qurý tártibi jáne olardyń qyzmeti týraly kelisimdi ratıfıkasııalaý týraly» zań jobasyn usyný jos­parlanyp otyr. Bul kelisim 2015 jylǵy 16 qazanda Býra­baı kentinde jasalǵan. Onda tarap­tar­dyń quzyretti organdarynyń is júr­gizýin­degi eki jáne odan kóp taraptyń aýma­ǵynda dáleldemelerdi usyný ne proses­tik áreketterdi jáne jedel-izdestirý is sharalaryn júrgizý qajet bolatyn qylmystyq is­ter boıynsha ózara baılanysty qylmys­tar­­dy ashý jáne tergep tekserý úshin tarap­tar­dyń aýmaqtarynda birlesken jedel-ter­geý top­taryn qurý, olardyń qyz­me­ti já­ne qyz­­metin toqtatý máselelerin retteý kózdeledi. Kelisim ratıfıkasııalanǵan jaǵdaıda ony iske asyrý teris áleýmettik-ekono­mıkalyq já­ne quqyqtyq saldarǵa ákelip soq­tyrmaıdy, sondaı-aq, re­spý­b­lıkalyq bıýdjetten qosymsha shyǵyndardy talap etpeıdi.