Zamannan ozar sot qaıda?

«Egemen Qazaqstan» gazetiniń 22.04.2016 jylǵy nómirinde jaryq kórgen A.Tasbolatovtyń «Jarııalanbaǵan jaıdyń jaı-japsary nemese sýdıalardyń tórt qubylasy túgel me»? maqalasyna oraı Durys aıtylǵan. Der kezinde qozǵalǵan másele. Búkil bıler qaýy­mynyń aıta almaı, aıtýǵa qy­sylyp júrgen oıynyń dál ústinen túsken. Avtor taqyrypty da durys tańdapty. Jazylǵandardyń bári de shyn­dyq. Aıtylmaı qalǵany qanshama! Alashtyń kósemi Álıhan Bó­keıhan: «Bıdi kim bolsa sodan qoryqpaıtyndaı, bireýdiń betiniń qyzylyna nemese bireýdiń betiniń jaqsy jaǵyna qaramaıtyndaı jaǵdaıǵa qoıý shart» degen eken. «Týra bıde týǵan joq, týǵandy bıde ıman joq», «Bir ret ádil bılik shyǵarý alpys toǵyz ret qajylyq paryzdy oryndap kelýden aýyr ári abzal bolýy múmkin». «Elge baı qut emes, bı qut». Ǵulamalardyń osy aıt­­­­­­­qan­­­da­ry­­nan sýdıalardyń qo­ǵamdaǵy, memlekettegi alatyn orny men áleýmettik jaǵdaıynyń qandaı dá­rejede bolýy kerektigi aıqyn kórinip turǵan joq pa?. Taǵy bir másele, bosanǵan sýdıa áıelderdiń balaǵa kútim jasaý úshin 3 jylǵa deıin merzimge demalysqa shyqqanda,onyń ornyna (shtatqa) basqa sýdıanyń taǵaıyndalmaýy, sonyń saldarynan, ásirese, eki ne úsh quram­dy sottardaǵy júktemeler basqa sýdıalardyń jumysyn kó­beı­tip salmaq túsiretindiginde. Ol úshin sýdıalarǵa qosymsha aqy da tólenbeıdi. Osy jaǵy ońtaıly sheshilse dep oılaımyz.  Sovethan SÁKENOV, Almaty oblystyq sotynyń alqa tóraǵasy