Qurban Berdyev «Spartaktyń» bas jattyqtyrýshysy boldy

ASTANA. 30 mamyr. Búgin belgili fýtbol mamany Qurban Berdyev Máskeýdiń «Spartak» klýbyna bas jattyqtyrýshy bolyp taǵaıyndaldy. Bul týraly egemen.kz tilshisi habarlady. Berdyev byltyrdan beri Dondaǵy Rostov qalasynyń Reseı premer-lıgasynda oınaıtyn «Rostov» klýbyn jattyqtyryp kelgen bolatyn. Endi «Spartaktyń» bas bapkeri Dmıtrıı Alenıchevti almastyryp otyr. Qurban Berdyev «Rostov» komandasyn 2014 jyldan beri jattyqtyryp, bıylǵy maýsymda Reseı chempıonatynyń kúmis medalin jeńip alǵan. Osynyń arqasynda klýb alǵash ret Chempıondar lıgasynda óner kórsetýge múmkindik aldy. Onyń esimi qazaq fýtbolymen de tyǵyz baılanysty. Ol 1981-1985 jyldary jáne 1993 jyly Almatynyń «Qaırat» klýbynda oınasa, 1986-1989 jyldary Tarazdyń «Hımık», 1991-1993, 1994-1995 jyldary «Qaıratty», 1996-1997 jyldary Aqtaýdyń «Munaıshy» komandasyn jattyqtyrǵan. Dastan Kenjalın. Derek, foto: sportbox.ru