Soltústik Qazaqstanda bir áıeldi naızaǵaı soǵyp óltirdi

PETROPAVL. 31 mamyr. Soltústik Qazaqstan oblysyndaǵy Aqqaıyń aýdanynda bir áıel naızaǵaı túsip, qaza tapqan. Bul týraly oblys tótenshe jaǵdaılar departamentiniń deregine súıengen egemen.kz tilshisi habarlady. Qaıǵyly oqıǵa aýdannyń Qııaly aýylynda oryn alǵan. Qara aspandy qaq jaryp kelip túsken jaı 54 jastaǵy áıeldiń ómirin sol mezetinde julyp ketken. «Aqqaıyń aýdanyndaǵy Qııaly aýylynyń Kalının kóshesinde 1962 jyly týǵan áıel velosıped teýip kele jatyp, naızaǵaıdyń soqqysyna tap bolǵan. Sonda alǵan jaraqaty saldarynan ol oqıǵa ornynda qaza tapqan. Marqumnyń denesi sot-medısınalyq saraptamasyna jiberildi. Oqıǵa ornynda oblystyq jáne aýdandyq ishki ister organdarynyń jedel toptary jumys jasady», - delingen habarlamada. О́mir Esqalı. Derek: Soltústik Qazaqstan oblys tótenshe jaǵdaılar departamentiniń baspasóz qyzmetkerleri.