«Orlov» shahtasyndaǵy apat

úsh qutqarýshynyń ómirin qıdy  Keshe «KazMinerais» jaýap­kershiligi shekteýli seriktestigi «Vostoksvetmet» óndiristik birlestigine qarasty «Orlov» shahtasynda apattyq jaǵdaı oryn alyp, qutqarýshylar qaza tapty. Bul týraly Memlekettik «Kásibı áskerılendirilgen qut­­qarý-avarııa qyzmeti» men Investısııalar jáne da­mý mı­nıs­trligine qarasty ın­dýs­trııaldyq damý jáne ón­diristik qaýipsizdik komıteti habarlady. Naqty málimetterge súıen­sek, 3 adam gazdan ýlanǵan. Mu­nyń ekeýi – taýdaǵy qutqarý qyzmetiniń mamandary Talǵat Asylbekov pen Serik Aýhadıev, shahtanyń shańnan tazalaý bóliminiń basshysy, ınjener-tehnık Ahmetolla Asylbekov. Bir ókinishtisi ákeli-balaly Asylbekovterdiń birdeı ýlanýy bolyp otyr. Qazirgi tańda oryn alǵan oqıǵaǵa oraı, prokýratýra men ishki ister departamentiniń qyzmetkerleri «Kaz Minerals» seriktestigi men «Vostok­svet­met» óndiristik birles­tiginde tekserý jumystaryn bastady. Aıta keteıik, shahtadaǵy apat kezinde 15 taýdaǵy qutqarý qyzmetiniń mamandary men 3 arnaıy tehnıka jumyldyryldy. Qutqarýshylar 2 saǵat boıy shahtada zalalsyzdandyrý ju­mystaryn júrgizdi. Talǵat RAIYMBEK, «Egemen Qazaqstan»