Joǵarǵy Sottyń 30 sýdıasy – ýnıversıtet túlegi

Bul týraly Qazaqstan Respýblıkasy Joǵarǵy Sotynyń Tóraǵasy Qaırat Mámı ál-Farabı atyndaǵy Qazaq ulttyq ýnıversıtetinde ótken dástúrli «Túlekter kúni» is-sharasynda aıtyp ótti. Kezdesý barysynda QazUÝ túlekteri qaýymdastyǵynyń prezıdenti Qaırat Mámı sot júıesi Ult Josparynda belgilengen barlyq 11 tarmaqty ýaqtyly jáne sapaly júzege asyrǵandyǵyn, sondaı-aq, 2016 jylǵy 1 qańtardan bastap elimizdegi sottar jańa úsh satyly júıede jumys júrgize bastaǵanyn da tilge tıek etti. Investısııalyq daýlar jóninde sot isin júrgizetin jeke alqa, Joǵarǵy Sot janynan Halyqaralyq keńes qurylyp, sýdıalyq qyzmetke úmitkerler úshin qoıylar talaptyń da kúsheıtilgenin jetkizdi. Joǵarǵy Sot Tóraǵasynyń aıtýynsha, QazUÝ túlekteriniń 155 myńnan astamy respýblıkanyń ıgiligi jolynda túrli salalarda tabysty eńbek etýde eken. Elimizde eńbek etip júrgen árbir tórtinshi sýdıa, sonyń ishinde Joǵarǵy Sottyń 30 sýdıasy QazUÝ-diń túlegi ekendigine toqtalǵan Tóraǵa, kóp satyly irikteýden múdirmeı ótý úshin ýnıversıtet qabyr­ǵasynda berilgen bilim men tárbıe jumys­tarynyń sapasy naqty bolýy kerektigine basa nazar aýdartty. «Egemen-aqparat»