20 jylǵa sottalýy kerek
Stýdent Áıgerim Ospanbekovany óltirgeni úshin kúdikti retinde ustalǵan Álisher Arǵynbaevqa qatysty alǵashqy sot otyrysy Shymkenttegi Ál-Farabı aýdandyq sotynda ótti. Arǵynbaevtyń qylmysy tolyq dáleldengen jaǵdaıda ol 20 jylǵa deıin sottalýy ábden múmkin. Al kúdiktiniń advokaty onyń eki jas balasy bar ekendigin eskerip, úı qamaǵyna alýdy usynǵan edi. Biraq sýdıa Ǵanı Baıarystan kúdiktiniń asa aýyr qylmys jasaǵanyn alǵa tartyp, advokattyń ótinishin qabyldamaı tastady.
Áıgerim mamyr aıynyń 10-y kúni Saryaǵash aýdanynan Shymkentke jol tartyp, iz-túzsiz joǵaldy. Qaladaǵy «Halyqtar dostyǵy» ýnıversıtetinde oqıtyn qyzynyń habarsyz ketkenine mazasyzdanǵan ákesi polısııaǵa shaǵymdanǵan. Stýdenttiń iz-túzsiz joǵalýy ata-ana, týǵan-týysqanynyń ǵana qabyrǵasyna aıazdaı batqan joq. Ony izdeýshilerdiń qatarynda polısııadan bólek, eriktilerdiń qatary mol boldy. Jastyq jalyny lapyldap, armany ishinde ketken qarshadaı qyzdyń denesi arada 14 kún ótkennen keıin tabyldy.
OQO IID qylmysty izdestirý basqarmasynyń basshysy Nurıddın Daýylbaev Áıgerim Ospanbekovanyń denesi Saryaǵash – Shymkent baǵytyndaǵy tas joldyń oń jaǵyndaǵy Baǵys aýylyna bastaıtyn jol jaǵasynan júz otyz metr jerden tabylǵanyn aıtady.
Saraptama anyqtaǵandaı, Áıgerim keýdesi men ishine suǵylǵan ótkir zattan kóz jumǵan. Keıinirek belgili bolǵandaı, qanisher otvertka suqqan eken. Osylaısha, órimdeı jas qyzdyń ómiri úzildi. Beıkúná, qorǵansyz qyzdyń Alla aldyndaǵy amanatyn qıǵan qanisher eki jas balasynyń barlyǵyn alǵa tartyp, úıqamaqqa shyǵýǵa nıetti, keshirim ótinedi. Keıin belgili bolǵandaı, Áıgerim ózi mingen taksı júrgizýshisinen qaýiptenip, jataqhanadaǵy qurbysyna Shymkenttegi kire beristegi aıaldamadan kútip alýyn ótinip, qalta telefonymen habar bergen eken.
Endi, mine, tarazynyń bir basynda qyzynan aıyrylyp ańyrap qalǵan ata-ana, ekinshi basynda oń men solyn tanymaı jatyp qamqorsyz qalǵan shıetteı eki jas bala. Eki jaqqa da ońaı emes. Biraq, ózi ardaqtaıtyn otbasy baryn qoly qaltyramaı jas qyzdy óltirip jatqanda oılamaǵandyǵy qanisherdiń qandy qolyn jýa almaq emes.
Baqtııar TAIJAN,
«Egemen Qazaqstan»
Ońtústik Qazaqstan oblysy
20 jylǵa sottalýy kerek
Stýdent Áıgerim Ospanbekovany óltirgeni úshin kúdikti retinde ustalǵan Álisher Arǵynbaevqa qatysty alǵashqy sot otyrysy Shymkenttegi Ál-Farabı aýdandyq sotynda ótti. Arǵynbaevtyń qylmysy tolyq dáleldengen jaǵdaıda ol 20 jylǵa deıin sottalýy ábden múmkin. Al kúdiktiniń advokaty onyń eki jas balasy bar ekendigin eskerip, úı qamaǵyna alýdy usynǵan edi. Biraq sýdıa Ǵanı Baıarystan kúdiktiniń asa aýyr qylmys jasaǵanyn alǵa tartyp, advokattyń ótinishin qabyldamaı tastady.
Áıgerim mamyr aıynyń 10-y kúni Saryaǵash aýdanynan Shymkentke jol tartyp, iz-túzsiz joǵaldy. Qaladaǵy «Halyqtar dostyǵy» ýnıversıtetinde oqıtyn qyzynyń habarsyz ketkenine mazasyzdanǵan ákesi polısııaǵa shaǵymdanǵan. Stýdenttiń iz-túzsiz joǵalýy ata-ana, týǵan-týysqanynyń ǵana qabyrǵasyna aıazdaı batqan joq. Ony izdeýshilerdiń qatarynda polısııadan bólek, eriktilerdiń qatary mol boldy. Jastyq jalyny lapyldap, armany ishinde ketken qarshadaı qyzdyń denesi arada 14 kún ótkennen keıin tabyldy.
OQO IID qylmysty izdestirý basqarmasynyń basshysy Nurıddın Daýylbaev Áıgerim Ospanbekovanyń denesi Saryaǵash – Shymkent baǵytyndaǵy tas joldyń oń jaǵyndaǵy Baǵys aýylyna bastaıtyn jol jaǵasynan júz otyz metr jerden tabylǵanyn aıtady.
Saraptama anyqtaǵandaı, Áıgerim keýdesi men ishine suǵylǵan ótkir zattan kóz jumǵan. Keıinirek belgili bolǵandaı, qanisher otvertka suqqan eken. Osylaısha, órimdeı jas qyzdyń ómiri úzildi. Beıkúná, qorǵansyz qyzdyń Alla aldyndaǵy amanatyn qıǵan qanisher eki jas balasynyń barlyǵyn alǵa tartyp, úıqamaqqa shyǵýǵa nıetti, keshirim ótinedi. Keıin belgili bolǵandaı, Áıgerim ózi mingen taksı júrgizýshisinen qaýiptenip, jataqhanadaǵy qurbysyna Shymkenttegi kire beristegi aıaldamadan kútip alýyn ótinip, qalta telefonymen habar bergen eken.
Endi, mine, tarazynyń bir basynda qyzynan aıyrylyp ańyrap qalǵan ata-ana, ekinshi basynda oń men solyn tanymaı jatyp qamqorsyz qalǵan shıetteı eki jas bala. Eki jaqqa da ońaı emes. Biraq, ózi ardaqtaıtyn otbasy baryn qoly qaltyramaı jas qyzdy óltirip jatqanda oılamaǵandyǵy qanisherdiń qandy qolyn jýa almaq emes.
Baqtııar TAIJAN,
«Egemen Qazaqstan»
Ońtústik Qazaqstan oblysy
Sońǵy jańalyqtar
Kóktemgi egiske daıyndyq pysyqtaldy
Qoǵam • Búgin, 00:07
Indonezııa elshisi oraldyq ǵalymdarmen kezdesti
Ǵylym • Keshe
Balabaqshalarda sıfrlyq baqylaý tájirıbesi júrgizilip jatyr
Aımaqtar • Keshe
Jelidegi jelpiný: Jazbany óshirý úshin aqsha suraǵandar isti boldy
Aımaqtar • Keshe
Elimizdiń bes óńirinde sý tasqyny qaýpi joǵary
Qazaqstan • Keshe
40 gradýsqa deıin aıaz: Elimizge arktıkalyq sýyq keledi
Aýa raıy • Keshe
Astana áýejaıynyń ushý-qoný jolaǵy ýaqytsha jabylady
Elorda • Keshe
Álemdik ekonomıkanyń jańa kartasy: Qazaqstan qaı orynda?
Ekonomıka • Keshe
