Alımentshi, qashpa... qutylmaısyń!

Balalardy qorǵaý kúni qar­sa­ńynda jekemenshik sot oryn­daýshylardyń respýb­lıkalyq palatasy aıdy aspannan bir-aq shyǵardy. Quzyrly organnyń sońǵy málimetine súıensek, otbasymen ajyrasqan 223 myń 660 qazaqstandyqtyń 70 paıyzy ózderiniń týǵan balalaryna alıment tólemeıdi eken. Isine sot aralasqan 62 myńnan astam ákeler ǵana bul iske «óz erkimen atsalysady», deıdi. Qal­ǵandary jappaı jaltaryp, qashyp júr!.. Osydan eki jyl buryn Al­maty qalasynyń sot oryndaý­shylary alımentshi ákelerdiń sońynan sham alyp túskeni esimizde. «Qashqyndarǵa» sonda, tipti, jol ústinde quryq ta tastaldy. Olardyń avtokóligin tusap, aıyp turaqtaryna toǵyt­qan da sol kez. Naýqan qyzyp, oqıǵa barysynda alımenti men aıyp alańynda turǵan kúnderi úshin aqshasyn tólegender kólikterin qaıtaryp alyp jatty. Almatydaǵy qymbat kóligi men jyljymaıtyn múligi bar, tabysy taýdaı alpaýyt «qash­qyn ákelerdiń» bir tobyna ǵana osylaısha aýyzdyq sa­lynǵan. Bulardyń arasynda alıment tóleıin dese isteıtin jumystyń joqtyǵy qoldaryn baılap júr­gen «jomart jandar» da joq emes. Onyń da ońtaıly joly ta­­byldy. Endi budan bylaı olar­ǵa memlekettik alımenttik qor qolushyn beredi. Qazir Qa­zaqstan Parlamentiniń bıik minberinen qordyń taıaý merzimde qurylatyny týraly oń másele kóterilip te qoıyldy. Jańa qor jal­qaý ákelerdi bala-shaǵasy úshin kúshtep bolsa da jumysqa jegedi. Aıtpaqshy, bul arada elimizdiń Bas prokýratýrasynyń ınternet arqyly servıs jelisin ashyp qoıǵanyn da umytpaıyq. Ondaǵy ǵalamtordyń «qara tizimine» jaýapsyz ákelermen birge analardyń da sýretteri ilinedi. О́kinishke qaraı, elimizde alımentshi analar da barshylyq eken! Demek, alımentshi... qashpa, báribir qutyla almaısyń! Talǵat SÚIINBAI, «Egemen Qazaqstan» ALMATY