Qazir aqsha tólep shyǵýǵa bolatyn basylymdar, kez kelgen oryndy julyp áperetin aqyly kommersııalyq konkýrstar men jobalar jurtty sharshatty. Al shynaıy talanttar qashanda qoldaýǵa zárý. Árıne onyń ishinde daryndy balalar da bar.
Al endi ánshi bolǵym keledi, ánshi bolsam dep armandamaıtyn bala kemde-kem. Árbir balanyń keýdesinen jaryp shyqqan tilegi olardy qanattandyryp, sahnaǵa jeteleıtini anyq. Sondyqtan osyndaı úlken armandardyń kýási bolyp júrgenine 15 jyl bolǵan Altyn Mahanbetova eshqandaı demeýshisiz «Ánshi bolǵym keledi» jýrnalynyń alǵashqy nómirlerin shyǵaryp úlgerdi.
– Alǵashqy avtorlyq jobam «Ánshi bolǵym keledi» televızııalyq án baıqaýy 2002 jyly naýryz aıynda efırge shyqqan sátten bastap, júzdegen balaqandar júzderi bal-bul janyp, birinshi qadamdaryn jasaǵan edi. Olardyń aldy qazir estrada juldyzdary. Qanshama aqyn-sazgerler osy «Ánshi bolǵym kelediniń» aıasynda baqytty balalyq shaq áýenderin jazyp, óz úlesterin qosa bildi. Endigi qýanatynym balalar ánderi kóptep dúnıege kele bastady, alaıda sol ánderdiń nasıhaty áli kúnge deıin kemshin. Árıne, ánderdiń bári birdeı sapaly, bala jasyna laıyqty bolmaýy múmkin. Biraq, saralaı kelgende, nebir ádemi, jeńil, oınaqy, mazmundy ánderi jetip artylady. Osyndaı máselelerdi oılaı kele, balalarǵa arnalǵan mýzykalyq-tanymdyq jýrnal shyǵarý kópten kókeıimde júr edi, – deıdi joba jetekshisi Altyn Mahanbetova.
– Elimizde balalarǵa arnalǵan merzimdi baspasóz joq emes, jetkilikti. Biraq mýzykalyq jýrnal alǵash ret balalar ıgiligine usynyldy. Taǵy bir ózgeshelik, ár nómir saıyn jýrnalmen birge úntaspasy da qatar shyǵyp otyrady. Ánjınaqta elimizge tanymal kompozıtorlardyń balalarǵa arnaǵan 10 áni ónerli órender men estrada ókilderiniń oryndaýynda turaqty túrde berilýde. Sondaı-aq, sol 10 ánniń áýeni (mınýsovka) qosa beriledi. Bul kásibı árleýshilerge (aranjırovkashy) muqtaj, mınýsovkaǵa zárý aýyl balalary úshin úlken kómek. Máselen, ánshi bolǵysy keletin balapandar endigi jerde mınýsovka izdep áýre bolmaıdy, jýrnaldy jazdyryp alsa, alty aıda 60 túrli án men mınýsovkasy qoldaryna tıedi, – deıdi jýrnaldyń bas redaktory Qanshaıym Baıdáýlet.
Qysqasy, balaǵa óz jasyna laıyqty án aıtqyzyp, óleń jattatýdy maqsat tutqan ıdeıa avtorlary bul jýrnaldyń kommersııalyq joba emestigin, ulttyq mýzykalyq muralardy da jandandyrýǵa qurylǵanyn jáne keleshekte kóbinese jazylymǵa ıek artatyndyǵyn aıtady.
Aınash ESALI,
«Egemen Qazaqstan»
Almaty
Qazir aqsha tólep shyǵýǵa bolatyn basylymdar, kez kelgen oryndy julyp áperetin aqyly kommersııalyq konkýrstar men jobalar jurtty sharshatty. Al shynaıy talanttar qashanda qoldaýǵa zárý. Árıne onyń ishinde daryndy balalar da bar.
Al endi ánshi bolǵym keledi, ánshi bolsam dep armandamaıtyn bala kemde-kem. Árbir balanyń keýdesinen jaryp shyqqan tilegi olardy qanattandyryp, sahnaǵa jeteleıtini anyq. Sondyqtan osyndaı úlken armandardyń kýási bolyp júrgenine 15 jyl bolǵan Altyn Mahanbetova eshqandaı demeýshisiz «Ánshi bolǵym keledi» jýrnalynyń alǵashqy nómirlerin shyǵaryp úlgerdi.
– Alǵashqy avtorlyq jobam «Ánshi bolǵym keledi» televızııalyq án baıqaýy 2002 jyly naýryz aıynda efırge shyqqan sátten bastap, júzdegen balaqandar júzderi bal-bul janyp, birinshi qadamdaryn jasaǵan edi. Olardyń aldy qazir estrada juldyzdary. Qanshama aqyn-sazgerler osy «Ánshi bolǵym kelediniń» aıasynda baqytty balalyq shaq áýenderin jazyp, óz úlesterin qosa bildi. Endigi qýanatynym balalar ánderi kóptep dúnıege kele bastady, alaıda sol ánderdiń nasıhaty áli kúnge deıin kemshin. Árıne, ánderdiń bári birdeı sapaly, bala jasyna laıyqty bolmaýy múmkin. Biraq, saralaı kelgende, nebir ádemi, jeńil, oınaqy, mazmundy ánderi jetip artylady. Osyndaı máselelerdi oılaı kele, balalarǵa arnalǵan mýzykalyq-tanymdyq jýrnal shyǵarý kópten kókeıimde júr edi, – deıdi joba jetekshisi Altyn Mahanbetova.
– Elimizde balalarǵa arnalǵan merzimdi baspasóz joq emes, jetkilikti. Biraq mýzykalyq jýrnal alǵash ret balalar ıgiligine usynyldy. Taǵy bir ózgeshelik, ár nómir saıyn jýrnalmen birge úntaspasy da qatar shyǵyp otyrady. Ánjınaqta elimizge tanymal kompozıtorlardyń balalarǵa arnaǵan 10 áni ónerli órender men estrada ókilderiniń oryndaýynda turaqty túrde berilýde. Sondaı-aq, sol 10 ánniń áýeni (mınýsovka) qosa beriledi. Bul kásibı árleýshilerge (aranjırovkashy) muqtaj, mınýsovkaǵa zárý aýyl balalary úshin úlken kómek. Máselen, ánshi bolǵysy keletin balapandar endigi jerde mınýsovka izdep áýre bolmaıdy, jýrnaldy jazdyryp alsa, alty aıda 60 túrli án men mınýsovkasy qoldaryna tıedi, – deıdi jýrnaldyń bas redaktory Qanshaıym Baıdáýlet.
Qysqasy, balaǵa óz jasyna laıyqty án aıtqyzyp, óleń jattatýdy maqsat tutqan ıdeıa avtorlary bul jýrnaldyń kommersııalyq joba emestigin, ulttyq mýzykalyq muralardy da jandandyrýǵa qurylǵanyn jáne keleshekte kóbinese jazylymǵa ıek artatyndyǵyn aıtady.
Aınash ESALI,
«Egemen Qazaqstan»
Almaty
Sońǵy jańalyqtar
Kóktemgi egiske daıyndyq pysyqtaldy
Qoǵam • Búgin, 00:07
Indonezııa elshisi oraldyq ǵalymdarmen kezdesti
Ǵylym • Keshe
Balabaqshalarda sıfrlyq baqylaý tájirıbesi júrgizilip jatyr
Aımaqtar • Keshe
Jelidegi jelpiný: Jazbany óshirý úshin aqsha suraǵandar isti boldy
Aımaqtar • Keshe
Elimizdiń bes óńirinde sý tasqyny qaýpi joǵary
Qazaqstan • Keshe
40 gradýsqa deıin aıaz: Elimizge arktıkalyq sýyq keledi
Aýa raıy • Keshe
Astana áýejaıynyń ushý-qoný jolaǵy ýaqytsha jabylady
Elorda • Keshe
Álemdik ekonomıkanyń jańa kartasy: Qazaqstan qaı orynda?
Ekonomıka • Keshe
