Arnaıy shyǵarylym jáne Call-ortalyq

jer máselesi jónindegi suraqtarǵa arnaldy Shyǵys óńirinde «Jer ko­deksine ózgerister men to­lyq­tyrýlar engizý týraly» Qa­zaqstan Respýblıkasynyń Za­ńyn tereń túsindirý maq­satynda oblystyq «Dıdar», «Rýdnyı Altaı» gazetteriniń 500 myń dana arnaıy shyǵarylymy ja­ryq kórdi. Atalǵan basylym óńirdegi ár qala men aýdanda keńinen taratylýda. Bul arnaıy shyǵarylymda baspagerler jer reformasynyń erejelerin túsindiriledi. Oqyr­mandardyń nazaryna Memle­ket basshysy N.Nazarbaevtyń Jar­lyǵymen 2016 jyldyń 31 jeltoqsanyna deıin engizilgen moratorıı usynylǵan. Son­daı-aq, jalǵa berilgen jer te­limderin satyp alý, aýyl sha­rýashylyǵyna paıdalanylatyn jerlerdegi shekteýlerdi alý, sheteldik azamattardyń jerdi paıdalanýy týraly jaǵdaılar jan-jaqty jazylǵan. Barlyq jarııalanymdarmen birge shy­ǵys óńiriniń jer resýrsy týraly ınfografıkalar, syzba­lar, statıstıkalyq saraptamalar berilgen. Arnaıy shyǵarylym bar­lyq qoǵamdyq oryndarda, bi­lim berý, densaýlyq saqtaý mekemelerinde tegin taratylyp jatyr. Budan ózge, jer reformasy máseleleri jónin­degi Call-ortalyqqa kelip tús­ken saýaldar men oǵan berilgen jaýaptar da kórinis tapqan. Aıta ketken lázim, jer máselesi jónindegi Call-ortalyqqa al­ǵashqy on kúnniń ózinde 17 sa­ýal kelip túsken bolatyn. Shy­ǵys­qazaqstandyqtardyń basym bóligin jeke turǵyn úı sa­lýǵa arnalǵan jer telimin alý tártibi mazalaıdy. Halyqqa jer zańnamasynyń normala­ryn túsindirýdi kózdeıtin Call-ortalyq oblystyq jer qa­ty­nastary basqarmasynyń bazasynda qu­ryldy. Basqarma bas­shysy Ernar Beksultanovtyń aı­týynsha, túsip jatqan saýaldarmen birge usynystar da bar. Turǵyndar atalǵan taqyryptaǵy saýaldaryn 8(7232)701-657, 702-391, 701-805 telefon nomerlerine habarlasyp, qoıa alady. Ortalyq mamandary suraqtarǵa kúndelikti saǵat 8.00-den 20.00-ge deıin jetkilikti dárejede jaýap beredi. Dýman ANASh, «Egemen Qazaqstan»