Zań normalaryn kelise otyryp qabyldaýymyz qajet

Oral óńirinde jer reformasyna baılanysty qoǵamdyq keńestiń keńeıtilgen otyrystary ótkizilip keledi. Oǵan óńir basshylyǵy, memlekettik qurylymdar men qoǵamdyq uıymdardyń jáne saıası partııalar men azamattyq qoǵam ınstıtýtynyń ókilderi qatysyp júr. Sondaı-aq, osy májilisterde aýyl sharýashylyǵy salasynyń maıtalmandary óz oı-pikirlerin ortaǵa salýda. Basqosýda kim-kimniń de óz pikirlerin bildirýine múmkindik berilýde. Sonyń nátıjesinde júzge tarta azamattardyń oı-pikiri hattamaǵa tirkeldi. Sońǵy kezde qoǵamda ártúrli pikir tý­ǵyzýǵa sebepshi bolǵan Jer kodeksine engizilgen ózgerister men tolyqtyrýlar jóninde qoǵamdyq uıymdar men saıası partııalar músheleri bizge óz usynys pikirlerin ashyq aıtty. Soǵan saı qoǵamdyq keńes­tiń keńeıtilgen tóralqa májilisi ótkizildi. Atal­ǵan jıynda jerge baılanysty tıisti mekeme basshylarynyń esepteri tyńdaldy. Osy arada aıta keterlik jaıt «Qoǵamdyq keńester týraly» zańnyń 5 jáne 7-baptary negizinde bizdiń uıymnyń memlekettik organdarǵa usynys túsirýge quzyreti bar. Osy múmkindigimizdi paıdalanyp atalmysh jıynnyń qorytyndysy bo­ıynsha oblys ákiminiń atyna usynys túsirdik. Munda biz zańǵa en­gi­zilgen normalardy tıis­ti mem­lekettik organdar ókil­­­derimen túsindirý ju­mystary óz deńgeıin­de uıym­­dastyrylmaǵanyn atap kórsettik. Bolashaqta ma­ńyzy joǵary zańdar men osy zańdarǵa engiziletin tolyqtyrýlar men ózge­ris­terdi halyq arasynda keńinen uıymdastyrý qajettiligin ómirdiń ózi dálel­dedi deýge bolady. Osy arada qoǵamdyq keńesterdiń májilisterinde pikir bildirgen saıası partııa, úkimettik emes uıymdar, sharýashylyq jetekshileri jáne jekelegen azamattardyń usynystaryn oqyrmandar nazaryna bere ketkenniń artyqshylyǵy joq dep esepteımin. Máselen, qoǵam qaıretkeri, úkimettik emes uıym jetekshisi Ǵazız Haımýldın burynǵy menshik ıeleri tastap ketken jerlerdi memleket menshigine qaıtaryp ıgerý máselesine toqtaldy. Bul úshin jerdi qazaqstandyqtarǵa jalǵa berý kerektigin aıtty. Al oblystyq qoǵamdyq keńestiń múshesi Álııa Sálıevanyń oıynsha, naryq zamanynda jerdiń jalpy qoldanysta bolýy múmkin emes. Qolynan is keletin azamattar jerdi jalǵa alýǵa nemese múmkindigi bolsa satyp alyp, memlekttik baǵdarlamalardy paılalanyp ol jerlerdiń el úshin de, ózi úshin de paıda ákelý baǵytynda jumys isteýi tıis. Zelenov aýdanyndaǵy sharýa qoja­lyǵynyń basshysy Sergeı Shonaıbekov Jer kodeksine engizilgen jańa qaǵıdattar men normalarda sharýalar úshin tıimdi tustar mol ekenin jetkizdi. Sonymen birge, ol respýblıkalyq komıssııa men respýblıka Úkimeti aldaǵy ýaqytta jer máselesine qatysty birlesken sheshimder men qaýlylar shaǵyrǵan kezde ár óńirdiń ereksheligin eskergeni durys bolatynyn bildirdi. Túıip aıtqanda, tá­ýelsizdigimizdiń shırek ǵasyrlyq kezeńinde Elbasynyń syndarly saıasatynyń arqasynda kóptegen jetistikke jettik. Muny kópultty elimizdiń bir shańyraqtyń astynda ózara kelisim men tatýlyq arqyly qol jetkizgen tabysy dep baǵalaǵanymyz jón. Halqymyzdyń sózge toqtaı biletin márt qasıeti bar. Olar ártúr­li kúrdeli máseleler týyndaǵan tusta ony jınalyp, ózara keńesip bir-birin tyńdaı bilý arqyly sheshken. Búgingi qoǵamdyq keńesterdiń qyzmetinde de halqymyzdyń sol dástúriniń izderi men belgileri bar ekeni anyq. Osylaısha, biz de el ıgiligi úshin tıisti zań normalaryn kelise otyryp qabyldaýymyz qajet. Bul pikirimniń jer reformasyna da tikeleı qatysy bar ekenin kóziqaraqty oqyr­man aıqyn ańǵaryp otyr dep bilemin. Erbol SALYQOV, Batys Qazaqstan oblystyq qoǵamdyq keńesiniń tóraǵasy Batys Qazaqstan oblysy