Taılandta ǵıbadathanadan 40 jolbarystyń óli denesi tabyldy

ASTANA. 2 maýsym. Taılandtyń Kanchanabýrı provınsııasyndaǵy «Býdda» ǵıbadathanasynan muzdatqyshta saqtalǵan 40 jolbarystyń óli denesi tabyldy. Bul týraly 24.kz-ke silteme jasaǵan egemen.kz tilshisi habarlady. Taılandtaǵy ulttyq park departamentiniń ókilderi bul ańdardyń atalǵan ǵıbadathanada ne úshin saqtalǵanyn naqty aıta almady. Al polıseıler monahtardy ańdarǵa jaýyzdyq tanytyp, saýdaǵa salǵan dep aıyptaýda. Wildlife Friends Foundation qorynyń ókilderi ǵıbadathana mańynan ózge de janýarlardyń óligi tabylǵanyn aıtyp otyr. Osyǵan oraı tabıǵatty qorǵaý qyzmetkerleri mundaǵy ańdardy qaýipsiz aımaqqa kóshirýge kiristi. Qazirdiń ózinde bul jerden 52 jolbarysty arnaıy orynǵa alyp ketken. Jergilikti turǵyndar: «Ǵıbadathana aýlasynda áli 85 jolbarys bar. Biz bul oryndy «Jolbarysty monastyr» dep ataımyz», – deıdi. Talǵat Raıymbek. Derek: 24.kz. Foto: stan.kz.