Búgin elimizde ulttyq biryńǵaı testileý bastaldy

ASTANA. 2 maýsym. Elimizde ulttyq biryńǵaı testileý (UBT) 2-15 maýsym aralyǵynda ótedi. Bul týraly inform.kz-ke silteme jasaǵan egemen.kz tilshisi habarlady. Bilim jáne ǵylym mınıstrliginiń málimetteri boıynsha 2016 jyly 121 092 oqýshy mektep bitiredi. Olardyń 83 330-y – qazaq tilinde, 37 762-si – orys tilinde. UBT tapsyrýǵa 86 991 túlek ótinish bildirdi. Bul jalpy sannyń 72 paıyzyn quraıdy. Al qazaq tilinde – 63 021, orys tilinde – 23 970 túlek tapsyrady. UBT 166 pýnktte ótedi. Onyń 116-sy aýdan ortalyqtarynda, 50-i oblystyq ortalyqtarda, sondaı-aq Astana men Almaty qalalarynyń joǵarǵy oqý oryndarynyń ǵımarattarynda ornalasqan. Bir pýnktte testileýden ótetinder sany 1 kúnde 600 túlekti quraıdy. Aıta keteıik, bıyl talapkerlerge qoıylǵan talap ózgergen joq. Oqýshylar 5 pán boıynsha test tapsyrady, 3,5 saǵatta 125 suraqtyń jaýabyn belgileýi tıis. Joǵary oqý ornyna túsemin dese, keminde 50 ball jınaýy qajet. Al ulttyq ýnıversıtette bilim alǵysy keletinderdiń kórsetkishi 70 balldan tómen bolmaýy kerek. Biraq azdaǵan ózgerister bar. Synaqtan súrinip, 50 ball jınaı almaǵandar UBT-ny qaıta tapsyra alady. Aıan Ábdýálı. Derek: inform.kz. Foto: namys.kz.