ASTANA. 2 maýsym. Búgin Astanada tórtinshi halyqaralyq «KADEX-2016» qarý-jaraq pen áskerı-tehnıkalyq múlik kórmesi ashyldy. Bul týraly Qorǵanys mınıstrliginiń baspasóz qyzmetine silteme jasaǵan egemen.kz tilshisi habarlady.
Tańsáriden bastap Qarýly Kúshterdiń avıasııalyq bazasynyń 8 pavılonynda otandyq jáne sheteldik óndirýshilerdiń qarý-jaraǵyn, áskerı jáne avıasııalyq tehnıkasyn kórsetý bastaldy.
Bıylǵy jyly kórme seksııalarynyń sany 7-ge deıin keńeıtildi. Onda avıasııalyq tehnıka, UUA jáne ǵaryshtyq tehnologııalar, Qurlyq áskerleri men Áskerı-teńiz kúshteriniń qarý-jaraǵy men áskerı tehnıkasy, ÁShQQ júıeleri men quraldary, áskerlerdi tyldyq jáne tehnıkalyq qamtamasyz etý múlki, IT-tehnologııalar, baılanys júıeleri men quraldary, áskerı saladaǵy robot tehnıka, áskerı salada qoldanylýy yqtımal balamaly qýat kózderi bar.
Alǵash ret «KADEX-2016» kórmesinde «Arlan» brondalǵan dońǵalaqty mashınalar men «Barys» brondy transportery usynyldy. Qazaqstanda mundaı áskerı tehnıkanyń balamasy joq. Ony Qarýly Kúshter úshin otandyq kásiporyndar shyǵarady.
«KADEX-2016» kórmesi 5 maýsymyna deıin jalǵasady. 4 - 5 maýsym kúnderi kórmeni tegin tamashalaýǵa bolady. Osy kúnderi astanalyqtar men qala qonaqtary avıasııalyq jáne basqa da áskerı tehnıkanyń jaýyngerlik múmkindikterin tamashalaı alady.
Kórmege №10, 12, 100 avtobýstarmen barýǵa bolady.
Dastan Kenjalın.
Derek, foto: Qorǵanys mınıstrligi.
