Sırk artısi aeroportta qalyńdyǵyn býyndyryp óltirdi

ASTANA. 2 maýsym. Rýmynııa sırkiniń artısi Sevılıa aeroportynda ushaqtan qalyp qoıǵandary úshin qalyńdyǵymen urys-keris barysynda ony ashýmen býyndyryp óltirdi. Bul týraly lenta.ru-ǵa silteme jasaǵan egemen.kz tilshisi habarlaıdy. Oqıǵa ıspan eliniń Sevılıa qalasyndaǵy aeroportta oryn aldy. Onda 34 jastaǵy sırk artısi óziniń qalyńdyǵyn Italııaǵa baratyn ushaq reısinen qalyp qoıǵandary úshin ashý shaqyryp, onyń sońy qyzdy býyndyryp óltirýmen aıaqtalǵan. Eki jastyń arasyndaǵy kelispeýshilik aeroporttyń avtoturaǵynda óris alǵan. Polıseıler oqıǵa bolǵan jerden 32 jastaǵy Rýmynııa azamatshasynyń óli denesin tapqan. «Kúdikti óz kinásin tolyq moıyndady. Ol qalyńdyǵyn ushaq reısinen qalyp qoıǵandary úshin óltirgen. Qazir atalǵan derek boıynsha tergeý amaldary júrgizilýde», – deıdi jergilikti polıseıler. Aıta keteıik, ótken jyldyń 18 qazan kúninde Ystambul aeroportynda dál osyǵan uqsaq jaǵdaı oryn alǵan bolatyn. Onda Brıtanııa azamatshasy ushaqtan qalyp qoıǵany úshin ózine qol salǵan. Talǵat Raıymbek. Derek: lenta.ru. Foto: ispaniya411.ru.