ALMATY. 2 maýsym. Almaty qalasynda Qazaq memlekettik qyzdar pedagogıkalyq ýnıversıtetinde aqyn ári jazýshy Sáýle Dosjanovamen «Kún shýaǵym meniń» atty ádebı-tanymdyq kezdesý ótti. Bul týraly egemen.kz tilshisi habarlady.
Qyzdar úshin qyzyqty áńgimeler órbigen kezdesýdi ýnıversıtet rektory Dınar Nóketaeva ashty. Ctýdentter aqyn shyǵarmalarynan kompozısııa ázirlep, jazýshyǵa arnaǵan tól týyndylaryn oqyp berdi.
Qazaq ádebıetinde ózindik orny bar Sáýle Dosjanova shynaıy ómirdi beıneleıdi, áıelder taqyrybynda kósile jazady. Jazýshynyń «Jyr táj», «Arman qala» jyr jınaqtary men «Úshinshi esiktiń qupııasy», «Jatqa týǵan bala», «Úlken úıdegi úreı» atty prozalyq kitaptary bar.
«Ákem bar aqshasyn maǵan jumsap, kitap satyp alatyn. Sol kezdegi «Juldyz» jýrnalynyń bar nómiri boldy. Ony men «Tumanbaı aǵa Moldaǵalıev» atyndaǵy kitaphana dep atadym. Keıin Almatyda bolǵanda ol kisini arnaıy izdep baryp, tanysyp qaıttym. Sonda aǵamyz erekshe qýandy. Biz ol kezde kitaptaryn tizbektep bilýmen qatar, jyrlaryn jatqa oqıtynbyz. Dán rıza bolyp, «Sen baqyttysyń, baqytty áıel-ana bolasyń», dep aıtqany bar. Qazir oılap qarasam, keremet bata eken», – dedi Sáýle Dosjanova.
Kesh barysynda Sáýle Maǵazbekqyzy óz jyrlaryn oqyp berdi. Oǵan qosa, qos jazýshynyń basynan ótken oqıǵalaryn, asyl jary jazýshy Dúkenbaı Dosjanovtyń jurt bile bermeıtin keıbir qasıetterin, shyǵarmashylyq adamnyń zaıyby men zııaly qaýym ókili bolýdyń qandaı erekshelikteri bar ekeni jaıly qyzyqty oılaryn ortaǵa saldy.
Aınash Esalı.
Derek, foto: egemen.kz.
