AQSh-ta fýtboldan Amerıka Kýbogy úshin jarys ótip jatyr

ASTANA. 6 maýsym. AQSh-ta fýtboldan Amerıka Kýbogy týrnıriniń kezekti matchtary oınaldy. Bul týraly egemen.kz tilshisi habarlady. 5-6 maýsymda A, V jáne S tobyndaǵy komandalar alǵashqy kezdesýlerin ótkizdi. Týrnırdiń betashar matchynda A tobynda Kolýmbııa quramasy AQSh komandasyn 2:0 esebimen jeńgennen keıin, keshe osy toptaǵy Kosta-Rıka men Paragvaıdyń ulttyq quramalary 0:0 esebimen teń tarqasty.  Sol kúni V tobyndaǵy komandalar da bir-birimen kezdesti. Brazılııa men Ekvador 0:0 esebimen teń oınasa, Perý-Gaıtı arasyndaǵy match 1:0 esebimen aıaqtaldy. Búgin S tobyndaǵy jasaqtar alańǵa shyqty. Meksıka Ýrýgvaı eliniń oıynshylaryn 3:1 esebimen jeńdi. Al Venesýela Iаmaıkany 1:0 esebimen utty. Erteń D tobyndaǵy quramalar kezdesedi. Panama Bolıvııamen, Argentına Chılımen oınaıdy. Bıylǵy Amerıka Kýbogyna birneshe eldiń komandalary úmitti.  Olardyń arasynda Soltústik jáne Ortalyq Amerıka qurlyǵynan qatysyp jatqan Meksıka quramasy da bar. Ońtústik Amerıkadan Argentına, Brazılııa, Ýrýgvaı, Kolýmbııa men byltyrǵy Kýboktyń ıegeri Chılıdi bas júldeden úmitti desek, Perý men Paragvaı elderiniń taǵy da júlde alýǵa múmkindigi bar. Byltyr Perý qola júldeni, Paragvaı tórtinshi oryn alǵan. Sol sııaqty Bolıvııa men Venesýela, keshe Brazılııamen teń oınaǵan Ekvador ońaı shaǵylatyn jańǵaq emes. Bul komandalar namysqa tyryssa, Kopa Amerıkada kez-kelgen elmen ıyq túıistirip oınaı alady. Al Argentına, Brazılııa, Ýrýgvaı, Kolýmbııa men Chılı týraly áńgime basqa. Osy jasaqtardyń quramynda Eýropanyń ataqty klýbtarynda atoı salyp júrgen oıynshylar jetkilikti. Bıylǵy synǵa Argentına quramynda Lıonel Messı, Serhıo Agýero, Anhel dı Marııa, Haver Pastore, Gonsalo Igýaın, Erık Lamela, Haver Maskerano, Kolýmbııada Hames Rodrıges, Hýan Kýadrado, Karlos Bakka, Ýrýgvaıda Dıego Godın, Lýıs Sýares, Edınson Kavanı, Chılıde Aleksıs Sanches, Artýro Vıdal qatysady. Sonymen birge jankúıerler Ekvador quramyndaǵy Krıstıan Noboa men Meksıka jasaǵyndaǵy Haver Ernandestiń oıynyn tamashalaı aldy. Bıylǵy dodaǵa brazılııalyq Neımar qatyspaıdy. Ol Olımpıadaǵa daıyndalyp jatyr. Degenmen oǵan qarap jatqan «Pentakampeone» quramasy joq. Brazılııada Halk, Fılıppe Koýtıno, Kazemıro, Vıllıan, Dýglas Kosta, Danı Alves sııaqty dopty urshyqqa ıiretin kókmaısa alańnyń «kókjaldary» óz eliniń komandasyn tórden ǵana kórgisi keletinderi sózsiz. Dastan Kenjalın. Derek: egemen.kz Foto: championat.com Vıdeo: vkontakte áleýmettik jelisi.