Atan jilik, aı múıiz...

Halyq emi tarıhynda eleýli esimi bar Yrǵyzbaı babany eske túsirýge arnalǵan halyqaralyq týrnır bıyl tórtinshi márte uıym­dastyryldy. Qazaq kúresiniń apaıtós maıtalmandary baq synaıtyn dástúrli jarystyń erek­sheligi – oblys ortalyǵynan shal­ǵaı, shekaralyq óńirge jatatyn Tar­baǵataı aýdanynyń ortalyǵy Aqsýat aýylynda ótýi der edik. Týrnır aldynda barlyq qaty­sýshylar men qonaqtar, óńir tur­ǵyndarynyń qatysýymen Yrǵyzbaı Doshanauly kesenesi basyndaǵy zııarat kesheninde áýlıe rýhyna baǵyshtalǵan as berildi. Bıylǵy básekede elimizben birge Germanııa, Belgııa, Chehııa, Polsha, Reseı, Qytaı, Mońǵolııa, О́zbekstan, Qyrǵyzstan, Tájikstan, Grýzııa, Armenııa, Ázerbaıjan, Belarýs jáne Latvııa memleketteriniń 80-ge jýyq balýany baq synady. Elbasy tapsyrmasyna sáıkes, salamatty ómir saltyn nasıhattaý jáne buqa­ralyq sport túrlerin damytý maqsatyndaǵy atalǵan jobanyń avtory ári uıymdastyrý komıtetiniń tóraǵasy, ulttyq óner janashyry Bádelhan Kamalhanuly ekenin aıta ketken abzal. Dúnıejúzilik qazaq kúresi federasııasynyń prezıdenti Serik Tókeev aldaǵy ýaqytta Aqsýat­taǵy alamandy álem kýbogyna ushtastyrý jos­parlanyp otyrǵanyn jetkizdi. Jarystyń joǵary deńgeıde uıymdastyrylýyna Tar­baǵa­taı aýdanynyń ákimi Dildábek Táji­baıuly men osy týrnırdiń atqarýshy dırektory Talǵat Mázi­baevtyń qosqan úlesi zor. Týrnırde elimizdiń namysyn qorǵaǵan 8 balýannyń ishinde úmit kútken Aıbek Nuǵymarov gúrji ba­lýa­nyna ese jiberip alsa, Ulan Rysqul Ýkraınadan kelgen árip­te­sinen aılasyn asyra almady. Ki­lemdegi kúres sheberleriniń qımylyna qarap otyryp, qazaq kú­re­siniń mártebesi halyqaralyq deńgeıde kóterile túskenine kýá boldyq. Júlde qory 6 mıllıon teń­geni quraıtyn, «Qazsınk» jaýapker­shiligi shekteýli seriktestigi bas demeýshi bolǵan jarystyń túıe balýany ataǵyn 80 kıloǵa deıingi salmaqta laıyqty óner kórsetken Shym­kentten kelgen jas sportshy Er­sultan Muzaparov ıemdense, 80 kılodan joǵary salmaqtaǵy Gran-prı júldesi belorýs balýany Aleksandr Vahovıakqa bu­ıyr­dy. Qýanyshtan boz kilem­di aınala júgirgen Sasha­nyń jattyq­tyrýshysy, Bela­rýs jerindegi qazaq kúresi federa­sııa­synyń prezıdenti Murat Tóre­shovke aqsýattyqtar aqboz at mingizdi. Jalpy, dúbirli jarysta Grýzııa balýandary jaqsy óner kór­setkenin aıta ketken lázim. Máselen, salmaǵy 239 kılo bolatyn Mońǵolııa sportshysy, sýmo sheberi Sýýgarjargaldyń boz kilemge shyǵýy birqatar balýandardyń jú­regin shaılyqtyrǵanymen, alpamsa jigit kózdi ashyp-jumǵansha gúrji balýanyna ese jiberip, omaqasa qulap jatty. Dýman ANASh, «Egemen Qazaqstan» Shyǵys Qazaqstan oblysy, Tarbaǵataı aýdany