Búgin Lıll qalasynda V tobynyń Slovakııa men Reseı quramalary kezdesti. Matchta slovaktar qarsylastaryn 2:1 esebimen jeńdi.
Kezdesýde Slovakııa birinshi taımnyń 32 jáne 45 mınýttarynda gol soqty. Reseı ekinshi taımda ǵana esepti bir dopqa qysqartty. Sóıtip, Slovakııa alǵashqy 3 upaı alyp, týrnır kestesinde Ýelspen ıyq teńestirdi. Al Reseı eki oıynnan keıin bir upaımen sońǵy orynǵa jaıǵasty. Anglııanyń qorjynynda da bir upaı. Biraq aǵylshyndardyń Ýelske qarsy ótkizetin bir matchty bar. Bul kezdesý 16 maýsymda ótedi.
Búgin taǵy eki match bolady. A tobynyń jasaqtary Rýmynııa men Shveısarııa jáne Fransııa men Albanııa kezdesedi.
Reseı - Slovakııa 1:2 (0:2)
15 maýsym. Lıll. "Per Morýa" stadıony.
Reseı: Akınfeev, Berezýskıı, Shennıkov, Smolnıkov, Ignashevıch, Golovın (Mamaev 46), Noıshtedter (Glýshakov 46), Shatov, Smolov, Dzıýba, Kokorın (Shırokov 76).
Slovakııa:
Kozachık, Shkrtel, Gýbochan, Pekarık, Dıýrısa, Dýda (Nemes 67), Kýska, Mak (Dıýrısh 80), Gamshık, Vaıss (Shvento 72), Pechovskı.
Tóreshiler: Damır Skomına, Iýre Praprotnık, Robert Výkan (barlyǵy - Slovenııa).
Goldar: Vaıss 32 (0:1), Gamshık 45 (0:2), Glýshakov 80 (1:2)
Eskertý: Dıýrısa 46
Dastan Kenjalın.
Foto: Sports.ru, Telegraf-EPA
Vıdeo: vk.com
