Kásipkerlerdiń quqyǵyn qorǵaıdy

Taıaýda Máskeý qalasynda kásipkerler quqyǵyn qorǵaý jónindegi ókilderdiń jalpyreseılik konferensııasy ótti. Atalǵan jıynǵa reseılik áriptesi Borıs Tıtovtyń shaqyrýymen qazaqstandyq bıznes-ombýdsmen Bolat Palymbetov qatysyp, konferensııa barysynda taraptar «О́zara is-qımyl jáne yntymaqtastyq jónindegi» memorandýmǵa qol qoıdy. Qazaqstan men Reseı arasyndaǵy qarym-qatynas álimsaqtan júıeli jolǵa qoıylǵany belgili. Dese de, qazirgi ekonomıkalyq qıyndyqtar kezinde ózara birlesip sheshetin kúrmeýli máseleler de joq emes. Osy turǵydan alǵanda eki el kásipkerleriniń quqyǵyn qorǵaýshy ınstıtýttardyń yntymaqtastyǵy qos tarap úshin de tıimdi bolmaq. Basqosýda Reseı Federa­sııasynyń kásipkerler qu­qyǵyn qorǵaý jónindegi ókili Borıs Tıtov bıznesti damytý boıynsha eki eldiń tyǵyz qarym-qatynasta bolýynyń mańyzdylyǵyna toqtalyp ótti. «Eger makroekonomıka, Qazaqstandaǵy ekonomıkalyq jáne iskerlik ahýal jóninde aıtar bolsaq, Qazaqstan biz úshin úlgi memleketke aınaldy dese bolady. Olaı deıtin sebebim, qazirgi tańda bizdiń aldymyzdan shyǵyp otyrǵan kóptegen máseleler Qazaqstanda ál­de­qashan tıimdi ári jedel sheshimin tapqan. Sondyqtan kásipkerler quqyǵyn qorǵaý jónindegi ýákil retinde óz tájirıbemizben bólise oty­ryp, bir jaǵynan kóp nár­seni Qazaqstannan úı­re­nýimizge týra keledi. Atap aıtqanda, bul atalǵan mem­lekettiń ekonomıkalyq saıa­saty men salyq júıesine, bıznesti qorǵaý jáne taǵy basqa kóptegen máselelerge qatysty», dedi B.Tıtov. Onyń aıtýynsha, Reseıde sońǵy kezde bıznes-ombýds­men ınstıtýtynyń kómegine júginýshiler sany kúrt kóbeıgen. Bul bir jaǵynan atalǵan qurylymǵa degen senimniń artqanyn bildirse, ári búgingideı qysyltaıań kezde eki elge de ortaq máse­lelerdiń kóbeıgenin ańǵart­sa kerek. Bolat Palymbetov óz baıan­damasynda qazaqstandyq kásipkerlerdiń reseılik kontragentterge qatysty shaǵymdary bar ekenin atap ótip, osyǵan oraı kórshi eldiń quzyrly organdary tarapynan tıisti yqpal etý sharalary qajettiligine toqtaldy. Sol sııaqty dál osyndaı shaǵymdar reseı­lik bıznesmenderden de túsip turatynyn atap ót­ken ol bul máselelerdi ózara tıimdi túrde sheshýdiń mańyz­dylyǵyna nazar aýdardy. «Jaýapkershiliktiń aty – jaýapkershilik jáne ol zańǵa sáıkes oryndalýy tıis. Máselen, biz reseılik kásip­kerlerdiń barlyq shaǵymdaryn qarastyryp, qazaqstandyq kontragent­termen baılanysamyz da meılinshe jedel túr­de bar­lyq aqparatty berip otyramyz», dedi B.Palymbetov. О́z kezeginde qazaqstandyq ýákil re­seılik áriptesterine eki el kásipkerlerine qatysty qalyptasqan kúrmeýli máse­lelerdiń jedel ári tıim­di sheshilýine yqpal etip otyrǵandary úshin alǵysyn jetkizdi. «Reseı quqyq qor­ǵaý organdarynyń keı­bir zań buzýshylyqtarǵa qa­tysty sotqa deıingi tergeý jumystary kezinde qazaq­standyq kásipkerlerdiń qar­jysy qaıtarylǵan oqı­ǵalar boldy. Jergilikti bıznes-ombýdsmenniń kómeginsiz mundaı nátıjege qol jetkizý múmkin emes ekenin atap ótý kerek», dedi ol. Shet memleketterde qı­yn­dyqqa tap bolǵan el kásip­kerleri endi bıznes-ombýdsmenniń kómegine júgine alady. Kóp jaǵdaıda negizgi máseleler sheteldik seriktesterdiń taýar jet­kizý men qarjylyq mindet­temelerdi tolyq oryndamaýy saldarynan týyndap jatady. Bolat Palymbetovtiń aıtýynsha, qazaqstandyq kásipkerler mundaı kúrmeýli máselelerde qaıda júginý kerek ekenin bilgeni jón. «Búgingi basqosýdyń maqsaty da osy. Qazaqstandyq bıznesmender shetelde bızneske qatysty qandaı da bir quqyq buzýshylyqqa tap kelse, bizdiń kómegimizge súıene ala­tynyn bilýi tıis», dedi kásip­kerler quqyǵyn qorǵaý jónindegi qazaqstandyq ýákil. Bolat Palymbetov qa­zir­diń ózinde elimizdiń alty óńirinde bolyp, atap aıt­qanda, Batys Qazaqstan, Aqtóbe, Aqmola, Qyzylorda, Almaty, Shyǵys Qazaqstan oblystarynda jáne Almaty, Astana qalalarynda aımaq basshylarymen, prokýrorlarmen jáne kásipkerlermen kezdesip, jergilikti jerdegi túıindi máselelermen tanysty. Kásipkerlerdi je­ke qabyldap, olardyń muń-muqtajyn tyńdap, qor­dalanǵan máselelerdi mem­lekettik organdarmen birlese otyryp sheshýdiń joldaryn qarastyrýda. Sondaı-aq, Bas Prokýrormen, Joǵarǵy Sot Tóraǵasymen kezdesip, bıznes qaýymdastyqtyń túıt­kilderin talqylady. Ulttyq kásipkerler palatasy jasaǵan saraptamalyq derekterge súıensek, qazirde elimizdegi kásipkerlik sala­synyń qordalanǵan eń ózekti máseleleri – jer, qu­rylys, salyq, ekologııaǵa qatysty. «Bul problemalardy sheshý úshin búgingi daǵdarys, munaı baǵasynyń quldyraýy kezeńinde bıznes pen bılik arasyndaǵy ózara túsinistik aıqyn bolýy kerek», dedi Bolat Palymbetov. Suńǵat ÁLIPBAI, «Egemen Qazaqstan»