«Eýro-2016». Anglııa alǵashqy jeńisine jetti (vıdeo)

Búgin Lans qalasynda V tobynyń Anglııa jáne Ýels quramalary «Bollar-Delelıs» stadıonynda kezdesti. Bul oıynda aǵylshyndar 2:1 esebimen jeńiske jetti. Anglııa – Ýels 1:1 Anglııa: Djo Hart, Kaıl Ýoker, Garı Keıhıll, Krıs Smollıng, Dennı Roýz, Erık Daıer, Dele Allı, Ýeın Rýnı, Adam Lallana (Markýs Reshford 73), Rahım Sterlıng (Denıel Starrıdj 45), Harrı Keın (Djeımı Vardı 45) Ýels: Ýeın Hennessı, Krıs Ganter, Djeıms Chester,  Eshlı Ýılıams, Ben Deıvıs, Nıl Teılor, Djo Allen, Djo Allen, Djo Ledlı (Devıd Edvards 67), Aaron Remzı, Hel Robson-Kaný (Djonatan Ýılıams 72), Garet Beıl Goldar: Garet Beıl 42 – Djeımı Vardı 56, Danıel Starrıdj 45 Birinshi taımda Anglııa komandasy qarsylastaryna aıtarlyqtaı eshnárse jasaı almady. Shabýyldar uıymdastyrǵanymen, Ýels quramasynyń qorǵanysynan óte almady. Al Garet Beıl bastaǵan komanda júıeli oıyn kórsetip, shabýyldarǵa jıi shyǵyp júrdi. Osynyń arqasynda 42-mınýtta shamamen 40 metr jerden aıyp dobyn oryndaǵan Garet Beıl Djo Harttyń qaqpasyna birinshi goldy soqty. Al ekinshi taımda Roı Hodjson alańǵa shabýyl shebinde óner kórsetetin Djeımı Vardı men Danıel Starrıdjdi shyǵardy. Osydan keıin aǵylshyndardyń oıynyna jan bitip, múldem ózgerdi. Dál osy eki shabýylshy Anglııanyń jeńiske jetýine qajetti eki goldy soqty. 56-mınýtta Vardı aıyp alańyndaǵy tartysty sátterdiń birinde yńǵaıly kele qalǵan dopty qaqpaǵa týra baǵyttap, tarazy basyn teńestirdi. Al Starrıdj matchtyń aıaqtalýyna eki mınýttaı ýaqyt qalǵanda jeńisti goldy soǵyp, Anglııanyń dúbirli dodadaǵy alǵashqy jeńisine sebepshi boldy. Aıan Ábdýálı. Foto, vıdeo: vk.com.