«Vaskania» kıimderine suranys artty

Semeı keńestik kezeńde jeńil ónerkásip ortalyǵy retinde damyǵan qala bolǵany belgili. Sońǵy jyldary shahardyń jeńil ónerkásiptegi áleýeti qaıta qarqyn alyp keledi. Taıaýda Semeıdegi saparymyzdyń aıasynda «Vaskania» kıim tigý fabrıkasynyń jumysymen tanysqan edik. Búginde kıim-keshek salasynda belgili brendke aınala bastaǵan «Vaskania» sózi qazaq tilinde «Tumar» degen uǵymdy bildiredi. Osydan 15 jyl buryn qurylǵan kıim atelesi negizinen óndiris oryndary men kásiporyndar­dyń qyzmetkerlerine arnalǵan jumys kıimderin tigýmen shuǵyldana­dy jáne teri men bylǵarydan eks­klıýzıvti kıim túrlerin tigedi. «Vaskania» ónimi jańashyldyǵy­men jáne sán salasyndaǵy úrdisterdi dóp basatyndyǵymen erekshelenedi eken. Kásiporyn jetekshisi Irına Býlýthanova bizdi jyly shyraımen qarsy alyp, fabrıka qyzmeti jóninde áńgimeledi. Modeler-konstrýktor retinde 30 jylǵa taıaý osy salada eńbek etken, óndiriske ınnovasııalyq kózqaraspen qaraı alatyn Irına Nıkolaevna óziniń amerıkalyq bıznes-menedjer Braıan Treı­sıdiń shákirti bolǵandyǵyn, modelerlerdiń shaqyrýymen úsh jyl boıy Túrkııanyń Ystanbul qalasynda jáne keıinnen áskerı kıimder tigýge sheshim qabyldaǵan sátte Qytaıdyń áskerı zaýytyn­da bir jylǵa jýyq tájirıbe jı­naý úshin jumys istegenin maqtanyshpen aıtyp ótti. Kásipker bizdi aldymen kıim­derdiń túrli úlgileri qoıyl­ǵan arnaıy bólmege bastady. Munda áskerı, óndiristik jáne ańshylar men balyqshylarǵa arnalǵan kıim úlgileri men ártúrli keshterge arnalǵan sándik kıimder de mol eken. Bas kıimderdiń ózi bir tóbe. Teriden tigilgen kıimder bóliminde sapaly bylǵarydan, baǵaly ań terilerinen, qarakól eltirisinen tigilgen qysqy, kúzgi maýsymǵa arnalǵan syrtqy kıimder qoıylǵan. Onyń arasynda julma ton, kúzen ishik, bylǵary kúrtke syndy kıimder kóz tartarlyqtaı kórkem ti­gil­genin baıqadyq. Sondaı-aq, toqyma bóliminde mektep oqý­shy­larynyń formalaryna tapsyrystar qabyldaıdy. Bir eskeretini, qazirgi balalardyń da, ata-analardyń da tańdaýy erekshe. Osy oraıda mektepterdiń oqýshylarǵa arnalǵan formalary kelesi bilim ordasynyń kıimine uqsaı bermeıtini ras. Iаǵnı, mektepterdiń tańdaýy boıynsha oqýshy kıimderin de túrli stılde tigýge týra keledi. Qazirgi kezde kásiporynnyń 6 jastan 16 jasqa deıingi qyzdar men uldarǵa arnalǵan mektep formasynyń arnaıy katalogi qala oqýshylaryna tanystyrylýda. Qolymyzǵa ustap kórgen kóılek, jeıdelerdiń sapaly materıaldardan tigiletinin baıqadyq. Kásipker sapaly matalardy Reseı, Italııa, Fransııa óndirýshilerinen, joǵary deńgeıde óńdelgen teri men bylǵaryny Túrkııadan alatynyn aıtty. «Vaskania» fırmasy kıim­derdi tapsyryspen tigedi. Tu­ty­nýshylar arasynda jańa kıim­derge ǵana emes, eski kıimderdi óńdeýge nemese sándik turǵydan qaıta pishimdeýge tapsyrys berýshiler de jıi kezdesedi. Bul rette kásiporyn qyzmetkerleri túrli kıim úlgilerin tutynýshy nazaryna usynýmen birge qajetti jaǵdaıda tutynýshylardyń jeke qalaýy boıynsha sándik jýrnaldardan nemese ınternetten unatqan kıim úlgileriniń sý­retteri arqyly da tapsyrys qabyldaıdy. – Bizdiń negizgi baǵytymyz jumys kıimderin tigýge ar­nalǵan. Terimen de jumys is­teımiz. Tapsyrys boıynsha ti­gýmen, óńdeýmen jáne jańa kıim úlgilerin daıarlaýmen aınalysamyz. Kásiporyndaǵy jas­tardy úıretýge den qoıamyz. Qyzmetkerlerimiz turaqty túrde kásibı biliktilikterin jetildirip turady. О́z ónimderimiz boıynsha kórmelerge qatysamyz. Jýyrda ǵana Almatyda 18 memlekettiń qatysýymen ótken kórmege qatystyq­. Qatysýshylardyń arasynda AQSh, Italııa, Qytaı sııaqty jeńil ónerkásipti jolǵa qoıǵan memleketterdiń ókilderi boldy. Dese de, bizdiń ónimderimiz sheteldik taýarlardan kem tús­ken joq. Degenmen, negizgi tu­tynýshylarymyz jerlesterimiz bolyp otyr. Olardyń arasynda, bank, qurylys mekemeleri men quqyq qorǵaý organdary, BAQ, kommýnaldyq qyzmet salalary bar, – deıdi Irına Nıkolaevna. «Semeı sılıkat kirpish zaýy­ty», «Semeı et kombınaty», «Qa­la­jolqurylys» syndy uzaq jyldardan beri úzdiksiz tapsyrys berip kele jatqan mekemeler kásiporynnyń turaqty árip­testeri sanatynda. – Biz kásiporyndardan tapsyrys qabyldaǵanda, jumys formasyn qarapaıym jumysshydan bastap, tehnolog, ınjener syndy ishki qyzmet satysy da aıqyn ańǵarylatyndaı etip pishimdeımiz. Bul erekshelik kıimniń stılinen kórinis tabady. Sondaı-aq, únemi jańa model shyǵarý jolynda eńbektenemiz, – dedi ol. Qazirgi kezde sehta 21 tiginshi jumys istese, olardyń ishinde múm­kindigi shekteýli 6 adam nápa­qasyn osy jerden taýyp otyr. Tiginshilerdiń ortasha eńbekaqysy 50 myń teńgeni quraıdy eken. Al tapsyrylǵan jumys kólemi ýaqytynda jáne sapaly oryndalyp, ári qaraı eńbek kólemi ulǵaısa eńbekaqyǵa da ústeme qosylady. «Vaskania» ónimi naryqtaǵy ba­ǵaǵa qaraǵanda 20-30 paıyzǵa arzandyǵymen de erekshelenedi. Dýman ANASh, «Egemen Qazaqstan» SEMEI