Birinshi orynda – biliktilik

Biz qashanda Almatymyzben maqtanamyz. 2014 jyly Almaty qalasynyń jasyna baılanysty IýNESKO-nyń nazaryn aýdarý maqsatynda Almaty halyqaralyq forýmynyń alǵashqy qarary qabyldandy. Halyqaralyq uıym 2015 jyly «Almatynyń 1000 jyldyq mereıtoıy 2016 jyly atap ótilsin» degen sheshim shyǵardy. Osyǵan oraı, Almaty qalalyq №5 klınıkalyq aýrýhananyń bas dárigeri Bolat Nurmurzauly Sadyqov bylaı deıdi: «Men dáriger retinde Almaty qalasynda ǵylymı-tájirıbelik medısınanyń jaqsy damyǵanyn tilge tıek eter edim. Myńdaǵan dárigerler Almaty memlekettik medısına ınstıtýty (qazirgi QazUMÝ) qabyrǵasynan bilim alyp shyqty. Almaty memlekettik dárigerler bilimin jetildirý ıns­tıtýty tek Qazaqstandy ǵana emes, kórshiles respýblıkalardy da joǵary sanatty dáriger-mamandarmen qamtamasyz etýde. Syzǵanov atyndaǵy hırýrgııalyq ǵyly­mı-zertteý ınstıtýty, kardıologııa­lyq, ýrologııalyq, kóz aýrýlary, basqa da ǵyly­mı-zertteý ortalyqtary medısı­na­nyń irge­li máselelerimen ǵana aınalysyp qoıǵan joq, sonymen qatar, óte aýyr jaǵ­daı­daǵy aýrý­lardyń ómirin saqtap qaldy. Qanshama adam­nyń ómiri uzaryp, qan­shama sábıge baqytty balalyq shaǵy qaıtaryldy. Memleket saıasatynyń bir baǵyty Qazaq­­stan halqynyń densaýlyǵyn jaq­sartý eken­digi belgili. Elbasy óziniń «100 naqty qadam» jónindegi maqalasynda elimizdiń qar­qyn­dy damýy úshin medı­sı­nalyq qyzmet kór­setý sapasyn jaq­sartyp, densaýlyq saq­taý salasy zamanaýı joǵary tehnologııa­lar­men jab­dyq­talýy tıis ekendigin aıt­qan bolatyn. Áleýmettik medısınalyq saq­tan­­dy­rý­dy engizý mindettiligi alǵa tartyl­­dy. О́ıt­keni, áleýmettik medısınalyq saq­­tan­­­dyrý medısınalyq uıymdardyń mem­le­­ket­­tik emes medısınalyq uıymdar ar­qy­ly korporatıvtik prınsıpke kóshýine múmkindik beredi. «100 naqty qadam» Ult Jospary me­dı­sı­­nalyq qyzmet kórsetýdiń jańa tási­lin anyq­­tap berdi. Qalalyq klınıka Mem­leket basshysy Nursultan Nazar­baev­tyń Jol­daýyn basshylyqqa ala otyryp, kóp­tegen jobalardy júzege asyrýda. Emdeý-pro­fı­laktıkalyq mekemelerdiń biri sanalatyn aýrýhana medısınanyń áleýmettik saq­tan­dyrý salasynda medısınalyq kómek kór­setýdi tegin jáne sharýashylyq esep boıyn­sha júrgizýdi damytý ústinde, deni saý ultty qalyptastyrý jolynda memleket saıa­satyn­daǵy basty máselelerdi júzege asyrýǵa atsalysýda. Klınıka zamanaýı tehnologııanyń kómegimen ár emdelýshiniń densaýlyǵyn qalpyna keltirýde, sonymen qatar, qyzmetkerlerdiń bilimin jetildirý arqyly sapaly medısınalyq kómek kór­setýde. Akkredıtasııalyq komıssııanyń sheshi­mi­men aýrýhana synnan oıdaǵydaı ótip, ISO 9001: 2008 Halyqaralyq standar­ty boıynsha sertıfıkatqa ıe boldy. №5 qalalyq klınıka respýblıkamyz­daǵy LOR-aǵzalaryna, jaq-bet aýrýlaryna joǵary sapaly medısınalyq kómek kórsetetin birden-bir aýrýhana bolyp sanalady. Jaq-bet jaraqatyn alǵandarǵa, LOR-aǵzalary boıynsha derti anyqtalǵan, sondaı-aq, stomatologııalyq syrqattarǵa kómek kór­setýde, kúni-túni tegin hırýrgııalyq jedel járdem berilýde. Buǵan jaq-bet hırýr­gııasy boıynsha rekonstrýktıvtik-plas­tıkalyq otalar, qulaǵy aýyr estıtin eresekter men balalarǵa estý qabiletin jaqsartý maqsatynda jasalatyn otalar jatady. Zamanaýı medısınalyq tehnologııa­ny jetik meńgergen, kásibı jaǵynan ósýge umtylatyn, jan-jaqty bilikti jáne táji­rı­beli medısına qyzmetkerleriniń sany sońǵy eki jylda edáýir artyp keledi. Olar­dyń respýblıkadan tys jerlerde bilim­derin jetildirip kelýine múmkindikter qaras­ty­rylǵan. «Búgingi tańda klınıkamyzda joǵary sanatty 53 dáriger, 2 medısına ǵy­lym­darynyń doktory, 14 medısına ǵylym­dary­nyń kandıdaty jumys isteıdi», – deıdi bas dárigerdiń orynbasary Maııa О́tegenqyzy. Klınıka mamandary alys-jaqyn shetelderde, atap aıtsaq Germanııa, Avs­trııa, Ulybrıtanııa, Izraıl, Ońtús­tik Koreıa, AQSh, Japonııa, Italııa, Pol­sha, Shveısarııa, Túrkııa, Danııa, Reseı jáne Ýkraınanyń aldyńǵy qatarly klınıkalarynda oqyp-úırenip, tájirıbe almasýda. Klınıka basshylary negizi­nen dárigerlerdiń medısınalyq qural-jab­dyqtar shyǵaratyn elderdegi tehnolo­gııa­lyq jetistikterdi tolyq meńgerip kelýine jaǵdaı týǵyzady. Máselen, №5 qalalyq klınıka dáriger­leriniń joǵary kásibı tájirıbeden ótýleri nátıjesinde búginde olar óz betterimen óte qıyn otalardy jasaý múmkindigine ıe. Sol sebepti de aýrýhana mamandarynyń bedeli jyl sanap artýda. Hırýrg-dárigerler Qazaqstannyń túkpir-túkpirine óte aýyr ota­lar jasaý úshin barady. Jasalǵan otanyń sátti ári kásibı deńgeıde durys jasalǵa­nyn aıaǵynan tik turyp ketken jandardyń rızashylyǵynan kórýge bolady. Sonyń biri – Batys Qazaqstan oblysy ákiminiń klınıka dárigerlerine bergen alǵys haty. Klınıkanyń zamanaýı medısınalyq qural-jabdyqtarmen qamtamasyz etilýi – sapaly medısınalyq qyzmet kórsetýdiń kepili ekeni anyq. Mundaǵy dárigerler óz salasynyń joǵary sanattaǵy mamandary ǵana emes, olar ári úlken júrektiń ıeleri sanalady. Aýrýhana qyzmetkerleri aı saıyn jetim balalar úıindegi balalardyń oqýlary úshin ashylǵan depozıtterdi toltyryp otyrady. Qarııalar men soǵys ardagerleri de nazardan tys qalmaıdy. 2007 jyldan bastap jyl saıyn dáriger­ler «О́z isiniń úzdigi» baıqaýyna qaty­syp, jeńimpaz atanyp jatady. Klınıka jumysy kásiporyndar arasyndaǵy qarjy­lyq-ekonomıkalyq kórsetkishten reıtıng boıynsha joǵary baǵalanyp, «Qazaqstan ekonomıkasynyń Dańqy» ordenimen, bas esepshimiz arnaıy kásibı nasıhattaýda medalmen marapattaldy... Salamatty ómir saltyn nasıhattaýda klınıka qyzmet­ker­leri Almaty qalasynyń turmys-tirshili­gi­ne belsene aralasyp, máselen, flesh-­mob, velo­jarys, marafon, spartakıadalarda jyl saıyn júldeli oryndardy ıelenip júr. Nurǵalym OMASh, jýrnalıst Sýrette:Almaty qalalyq №5 klı­nı­kanyń bas dárigeri, medısına ǵylym­darynyń doktory B.SADYQOV