Lıonel Messı Argentına quramasyndaǵy oıynyn aıaqtady

[caption id="attachment_48768" align="aligncenter" width="700"] Foto: vk.com[/caption] bbc.com-nyń habarlaýynsha, fýtboldan Argentına komandasynyń kapıtany Lıonel Messı ulttyq quramadaǵy mansabyn aıaqtady. «Men úshin ulttyq quramadaǵy mansabym aıaqtaldy. Qolymnan kelgenniń bárin jasadym. Alaıda, chempıon atana almaǵanymyz janyma qatty batyp otyr», – dedi 29 jastaǵy «Barselona» fýtbol klýbynyń shabýylshysy. Bul týraly Amerıka kýbogy týrnıriniń fınaldyq oıynyndaǵy jeńilisinen keıin málimdedi. Messı «Barselonamen» birge 8 ret Ispanııa chempıony atanyp, 4 ret Chempıondar lıgasynda jeńiske jetken. Ispanııalyq klýbtyń sapynda 531 oıynǵa qatysyp, 453 gol soqqan. Argentına quramasyndaǵy jalǵyz jetistigi – 2008 jyly Olımpıada oıyndarynda altyn medali. Al 2007, 2015, 2016 jyldary Amerıka kýbogynyń, 2014 jyly álem chempıonatynyń fınalynda óner kórsetip, jeńilis tapqan. Sonymen birge, 55 golmen ulttyq quramanyń úzdik surmergeni atandy. «Bul osymen meniń tórtinshi fınalym. Jeńiske jetý úshin barymdy saldym. Biraq degenime jete almadym. Sondyqtan, bárin aıaqtaý kerek degen sheshimge keldim», – dedi bes dúrkin «altyn dop» ıegeri. Aıan ÁBDÝÁLI.