Almaty oblysynda joǵalǵan medbıkeniń denesi tabyldy

Almaty oblysyna qarasty Qarasaı aýdanynda joǵalyp ketken aýdandyq aýrýhana medbıkesi Gúlnar Esenálıevanyń óli denesi tabyldy. 7sunews.kz aqparyna qaraǵanda, ol baqytsyzdyq jaǵdaıynda kezdeısoq qaza tapqan. Izdestirýshiler medbıkeniń denesin Qaskeleń ózeniniń arnasynan tapqan. Ol 18 maýsym kúni medısına qyzmetkerleriniń merekesine baılanysty ótkizilgen korporatıvtik keshten keıin jumbaq jaǵdjaıda joq bolyp ketken. Polısııa medbıkeniń joǵalýyna oraı birneshe versııany qarastyryp kórdi. Sonyń ishinde baqytsyz oqıǵa degen boljam kóbirek oıǵa alyndy. Sol joǵalyp ketetin kúni áriptesteri ózen jaǵasynan onyń sýmkasyn taýyp alǵan. Ertesine úlken uly bir týflıine kezikken. Polısııa qyzmetkerleri men eriktiler ony Qaskeleń ózeniniń jaǵasynan izdese, qutqarýshylar ózen arnasyn qaraǵan. Nátıjesinde marqumnyń denesi onyń sýǵa qulaǵan jerinen eki shaqyrym tómen aýmaqtan taýyp alǵan. Gúlnar Esenálıevanyń sońynda biri 22-degi, ekinshisi 11-degi eki uly qaldy. Nurbol ÁLDIBAEV.