Jańa basshyǵa kásiporyn qurylymy nege unamaıdy?

«ArselorMıttal Temirtaý» aksıonerlik qoǵamy Jumys kúshin josparlaý baǵdarlamasyn iske qosty. Bul týraly soǵan oraı ótkizilgen baspasóz máslıhatynda «ArselorMıttal TMD» kompanııasynyń jańadan taǵaıyndalǵan dırektory Paramjıt Kalon málimdedi. Onyń aıtýynsha, kásiporynnyń qazirgi qurylymy durys uıymdastyrylmaǵan. «ArselorMıttal Temirtaý» kom­panııasynyń quramynda metal­lýr­gııa­lyq kombınat, Qaraǵandy oblysyndaǵy 8 kómir shahtasy, Qaraǵandy, Aqmola jáne Qos­tanaı oblystaryndaǵy temir kenin óndiretin 4 kenishi bar. Kási­p­oryndaǵy ju­mys­tardy shartty túrde úshke bólýge bolady. Onyń birinshisi – ónim óndirisi, ekinshisi – qural-jabdyqtardy jóndeý men qamtamasyz etý, al úshinshisi – servıstik, ıaǵnı qarjylyq, mar­ketıngtik jáne basqa da qyz­metter. Álemdik tájirıbege súıen­sek, alǵashqy bólik boıynsha barlyq eńbekkerlerdiń 60 paıy­zy, ekinshisinde 30 paıyzy jáne sońǵysynda 10 paıyzy ju­mys isteýi tıis. Al Temirtaý metal­lýrgııa kombınatynda ju­myskerlerdiń shamamen óndiriste 45 paıyzy, jóndeý men qamtamasyz etýde 40 paıyzy da, qalǵandary servıstik qyzmette. – Qazir ekinshi bóliktegi eń­bek­kerlerdiń birazyn, birinshi bólikke, úshinshidegilerdiń birshamasyn ekinshi bólikke aýystyrý josparlanyp otyr, – deıdi Paramjıt Ka­lon myrza. – Ol úshin adamdardyń tıisinshe tájirıbe jınaqtaýyna múm­kindik berý kerek. Kópshilik eńbek túrin ózgertýge daıyn emes. Olarǵa jańa jumys oryndary qaras­tyrylady nemese or­nyna jańa­dan jas mamandar alynýy múmkin. Kompanııada byltyrǵy jyly bolǵan qıynshylyqtarǵa toqtal­ǵan bas dırektordyń aıtýynsha, qazir­gi ýaqytta «ArselorMıttal Temirtaý» AQ-tyń kómir jáne bolat depar­tamentteriniń jumystaryna sholý jasalýda. Daıyn ónim shyǵarý shy­ǵyn­daryn azaıtý, sapasyn, báse­kege qabilettiligin arttyrý qajet. Bas dı­rektordyń pikirinshe, ıelik­tegi ken bazasy, kómir sııaqty basym­dyqtar­dy oryndy paıdalaný kerek. Elektr qýatyn óndirý kólemin arttyrý qajet. Temirtaý jylý-elektr or­taly­ǵynyń jumysyn jaqsartý da kezek kúttirmeıtin máselelerdiń biri. Kom­panııa ınvestısııalyq damý baǵdar­lamasyn oıdaǵydaı júzege asyryp keledi. Atap aıtqanda, qazir №4 dom­na peshine jetildirý jumys­tary júrgizilýde. Keleshekte agro­óndiris, basqa da salalar jetil­diriledi. Jal­py, kompanııa osy kombınatty al­ǵannan beri ony je­tildirýge 5 mıl­lıard AQSh dollary kóleminde qarajat jumsaǵan. Bir aı buryn ǵana taǵaıyndalǵan bas dırektor Ýkraınadaǵy Krıvoı Rog metallýrgııa kombınatynyń dırektory qyzmetin qosa atqarady. Bir jylǵy ýaqytynyń 80 paıyzynda Qazaqstanda bolýdy josparlap otyr. Al Temirtaý kombınatynyń múm­kindikteri týraly jańa dırektor eshteńe aıta almady. О́ıtkeni, óndiris týraly jan-jaqty bilip, úlken jos­parlar jaıly senimdi sóıleý úshin bir aı ýaqyt tym az. Degenmen, jańa basshy jýrnalıstermen jıi kezdesip, jaǵdaıdan turaqty habardar etip otyrýǵa ýáde berdi. Qaırat ÁBILDINOV, «Egemen Qazaqstan» Qaraǵandy oblysy, Temirtaý qalasy