[caption id="attachment_49125" align="aligncenter" width="500"]
Foto: «Qazaqstan barysy» qazaq kúresin damytý qory[/caption]
Búgin Búkilálemdik dopıngke qarsy agenttiginiń (VADA) qazaq kúresinen «Qazaqstan barysy» respýblıkalyq týrnırine qatysatyn tórt balýanǵa qatysty sheshimi belgili boldy. Balýandar analızdik synamalarynan tyıym salynǵan meldonıı sýbstansııasynyń tabylýyna baılanysty tól kúresimizden ótetin barlyq jarystardan ýaqytsha shettetilgen bolatyn.
«Búkilálemdik dopıngke qarsy agenttiginiń usynysy negizinde Dopıngke qarsy ulttyq ortalyǵy Tártiptik komıssııasynyń sheshimine sáıkes, Mereke Turashev (Aqmola oblysy), Samır Mamedov (Pavlodar oblysy) pen Aıbek Nuǵymarovtiń analızderindegi meldonııdiń konsentrasııasy 1 mkg/ml-den az bolyp shyqty», dep habarlady «Qazaqstan barysy» qazaq kúresin damytý qorynyń baspasóz qyzmeti.
Osyǵan baılanysty Qazaq kúresi federasııasy men «Qazaqstan barysy» qazaq kúresin damytý qory sportshylarǵa sáttilik tilep, «Qazaqstan barysy» jobasy men balýandarǵa qoldaý kórsetken jankúıerlerge alǵys bildiredi.
Sonymen qatar, Búkilálemdik dopıngke qarsy agenttigi dopıngtik synama analızinde tyıym salynǵan meldonıı sýbstansııasynyń joǵary konsentrasııasy tabylǵan balýan Aleksandr Kasachevtyń (Almaty oblysy) dıskvalıfıkasııalyq merzimine qatysty sheshimin shyǵaratyn bolady.
Nátıjesinde, bıylǵy jylǵy «Qazaqstan barysy» týrnırine Mereke Turashev, Samır Mamedov jáne Aıbek Nuǵymarovty qosa alǵanda, 33 balýan qatysady.
1 shilde kúni saǵat 19:00-de «Han-Shatyr» oıyn saýyq kesheninde qazaq kúresinen VI «Qazaqstan barysy» respýblıkalyq týrnıriniń saltanatty salmaq ólsheý rásimi ótedi. Budan keıin balýandar jattyǵýlary men týrnırge daıyndyǵyn jalǵastyrady.
«Qazaqstan barysy» týrnıriniń fınaly 3 shilde kúni Astana qalasynda saǵat 12:00-de «Saryarqa» respýblıkalyq velotreginde ótkiziledi. Bıletter Astana qalasynyń «Meloman» dúkender jelisinde, «Kerýen», «Han-Shatyr», «Mega», «Saryarqa» oıyn-saýyq keshenderinde, Kongress-Holl, My Town ı «Jastar» saraıynyń kassalarynda satylady. Týrnırge kelgen kórermender arasynda JAC S3 avtokóligi oınatylady. Bılet boıynsha aqparatty +7701 1004344 telefon arqyly bilýge bolady. Bıletterdiń baǵasy: 1000, 2000, 5000 teńge.
Qazaq kúresi federasııasy Atqarý komıtetiniń múshesi Tastanbek Esentaev 21 maýsym kúni ótken baspasóz-máslıhatynda Dopıngke qarsy ulttyq ortalyǵynyń sheshimine sáıkes, Mereke Turashev (Aqmola oblysy), Aleksandr Kasachev (Almaty oblysy), Samır Mamedov (Pavlodar oblysy) pen Aıbek Nuǵymarovtyń (Shyǵys Qazaqstan oblysy) analızdik synamalarynan tyıym salynǵan meldonıı sýbstansııasynyń tabylýyna baılanysty atalǵan balýandar qazaq kúresinen uıymdastyrylatyn barlyq jarystardan, sonyń ishinde bıylǵy jylǵy «Qazaqstan barysy» týrnıriniń fınaldyq synynan da zertteý aıaqtalǵanǵa deıin ýaqytsha shettetiletindigin habarlaǵan bolatyn. Osy balýandardy jarystarǵa jiberý nemese naqty bir ýaqytqa jarystardan shettetý týraly sońǵy sheshimdi Búkilálemdik dopıngke qarsy agenttiginiń (VADA) qorytyndysyn alǵannan soń «Dopıngke qarsy ulttyq ortalyǵy» respýblıkalyq memlekettik mekemesiniń Tártiptik komıssııasy qabyldaıtyn bolady degen edi.
Dastan KENJALIN
Foto: «Qazaqstan barysy» qazaq kúresin damytý qory[/caption]
Búgin Búkilálemdik dopıngke qarsy agenttiginiń (VADA) qazaq kúresinen «Qazaqstan barysy» respýblıkalyq týrnırine qatysatyn tórt balýanǵa qatysty sheshimi belgili boldy. Balýandar analızdik synamalarynan tyıym salynǵan meldonıı sýbstansııasynyń tabylýyna baılanysty tól kúresimizden ótetin barlyq jarystardan ýaqytsha shettetilgen bolatyn.
«Búkilálemdik dopıngke qarsy agenttiginiń usynysy negizinde Dopıngke qarsy ulttyq ortalyǵy Tártiptik komıssııasynyń sheshimine sáıkes, Mereke Turashev (Aqmola oblysy), Samır Mamedov (Pavlodar oblysy) pen Aıbek Nuǵymarovtiń analızderindegi meldonııdiń konsentrasııasy 1 mkg/ml-den az bolyp shyqty», dep habarlady «Qazaqstan barysy» qazaq kúresin damytý qorynyń baspasóz qyzmeti.
Osyǵan baılanysty Qazaq kúresi federasııasy men «Qazaqstan barysy» qazaq kúresin damytý qory sportshylarǵa sáttilik tilep, «Qazaqstan barysy» jobasy men balýandarǵa qoldaý kórsetken jankúıerlerge alǵys bildiredi.
Sonymen qatar, Búkilálemdik dopıngke qarsy agenttigi dopıngtik synama analızinde tyıym salynǵan meldonıı sýbstansııasynyń joǵary konsentrasııasy tabylǵan balýan Aleksandr Kasachevtyń (Almaty oblysy) dıskvalıfıkasııalyq merzimine qatysty sheshimin shyǵaratyn bolady.
Nátıjesinde, bıylǵy jylǵy «Qazaqstan barysy» týrnırine Mereke Turashev, Samır Mamedov jáne Aıbek Nuǵymarovty qosa alǵanda, 33 balýan qatysady.
1 shilde kúni saǵat 19:00-de «Han-Shatyr» oıyn saýyq kesheninde qazaq kúresinen VI «Qazaqstan barysy» respýblıkalyq týrnıriniń saltanatty salmaq ólsheý rásimi ótedi. Budan keıin balýandar jattyǵýlary men týrnırge daıyndyǵyn jalǵastyrady.
«Qazaqstan barysy» týrnıriniń fınaly 3 shilde kúni Astana qalasynda saǵat 12:00-de «Saryarqa» respýblıkalyq velotreginde ótkiziledi. Bıletter Astana qalasynyń «Meloman» dúkender jelisinde, «Kerýen», «Han-Shatyr», «Mega», «Saryarqa» oıyn-saýyq keshenderinde, Kongress-Holl, My Town ı «Jastar» saraıynyń kassalarynda satylady. Týrnırge kelgen kórermender arasynda JAC S3 avtokóligi oınatylady. Bılet boıynsha aqparatty +7701 1004344 telefon arqyly bilýge bolady. Bıletterdiń baǵasy: 1000, 2000, 5000 teńge.
Qazaq kúresi federasııasy Atqarý komıtetiniń múshesi Tastanbek Esentaev 21 maýsym kúni ótken baspasóz-máslıhatynda Dopıngke qarsy ulttyq ortalyǵynyń sheshimine sáıkes, Mereke Turashev (Aqmola oblysy), Aleksandr Kasachev (Almaty oblysy), Samır Mamedov (Pavlodar oblysy) pen Aıbek Nuǵymarovtyń (Shyǵys Qazaqstan oblysy) analızdik synamalarynan tyıym salynǵan meldonıı sýbstansııasynyń tabylýyna baılanysty atalǵan balýandar qazaq kúresinen uıymdastyrylatyn barlyq jarystardan, sonyń ishinde bıylǵy jylǵy «Qazaqstan barysy» týrnıriniń fınaldyq synynan da zertteý aıaqtalǵanǵa deıin ýaqytsha shettetiletindigin habarlaǵan bolatyn. Osy balýandardy jarystarǵa jiberý nemese naqty bir ýaqytqa jarystardan shettetý týraly sońǵy sheshimdi Búkilálemdik dopıngke qarsy agenttiginiń (VADA) qorytyndysyn alǵannan soń «Dopıngke qarsy ulttyq ortalyǵy» respýblıkalyq memlekettik mekemesiniń Tártiptik komıssııasy qabyldaıtyn bolady degen edi.
Dastan KENJALIN
