Qazaqstan Respýblıkasy Ortalyq saılaý komıssııasynyń qaýlysy № 16/22

2011 jylǵy 4 aqpan, Astana qalasy 2011 jylǵy 3 sáýirge taǵaıyndalǵan Qazaqstan Respýblıkasy Prezıdentiniń kezekten tys saılaýyn ázirleý men ótkizý jónindegi saılaý is-sharalaryn ótkizýdiń merzimderi týraly Qazaqstan Respýblıkasy Konstıtýsııasynyń 41-ba­by­nyń 3-1-tarmaǵyna, «Qazaqstan Respýblıkasyndaǵy saılaý týraly» Qazaqstan Respýblıkasy Konstıtýsııalyq za­ńynyń 12-babynyń 1) tarmaqshasyna, 51-1, 66-1-bap­taryna sáıkes Qazaqstan Respýblıkasy Ortalyq saılaý komıssııasy qaýly etedi: 1. Qazaqstan Respýblıkasynyń Prezıdenttigine kandıdattardy usyný 2011 jylǵy 5 aqpannan bastalady jáne 2011 jylǵy 20 aqpanda aıaqtalady; Qazaqstan Respýblıkasynyń Prezıdenttigine kandı­dattardy tirkeý kandıdattar «Qa­zaqstan Respýblı­ka­syndaǵy saılaý týraly» Qazaqstan Respýblıkasynyń Konstı­týsııalyq zańyna sáıkes barlyq qajetti qujat­tardy usynǵannan keıin bastalady jáne 2011 jylǵy 2 naýryzda aıaqtalady dep belgilensin. 2. 2011 jylǵy 3 sáýirge taǵaıyndalǵan Qazaqstan Res­pýblıkasy Prezıdentiniń kezekten tys saılaýyn ázirleý men ótkizý jónindegi negizgi is-sharalardyń qosa berilip otyrǵan kúntizbelik jospary (budan ári – Kúntizbelik jospar) bekitilsin. 3. Kúntizbelik jospar oblystyq, Astana jáne Almaty qalalyq saılaý komıssııalaryna saılaýdy uıymdastyrý men ótkizýdi qamtamasyz etý úshin jiberilsin. 4. Osy qaýly buqaralyq aqparat quraldarynda jarııalansyn. Tóraǵa            Q.TURǴANQULOV. Hatshy           B.MELDEShOV. ___________________________ Qazaqstan Respýblıkasy  Ortalyq saılaý komıssııasynyń  2011 jylǵy 4 aqpandaǵy № 16/22 qaýlysymen bekitilgen 2011 jylǵy 3 sáýirge taǵaıyndalǵan Qazaqstan Respýblıkasy Prezıdentiniń kezekten tys saılaýyn ázirleý men ótkizý jónindegi negizgi is-sharalardyń kúntizbelik jospary 1. Qazaqstan Respýblıkasynyń Prezıdenttigine kandıdattardy usyný. Respýblıkalyq qoǵamdyq birlestik­ter­diń joǵary organdary jáne azamattar ózin-ózi usyný jolymen. Saılaý taǵaıyndalǵan kúnnen keıingi kúni – 2011 jylǵy 5 aqpannan basta­la­dy jáne 2011 jylǵy 20 aqpanda aıaqtalady. (55-b.) 2. Kandıdattyń nazaryna onyń Qa­zaqstan Respýblıkasynyń Prezıdenttigine kandıdat retinde usynylǵany týraly sheshimdi jetkizý. Respýblıkalyq qoǵamdyq birlestikter­diń joǵary organdary. (55-b. 2-t., 3-t. 1) t-sha) 3. Qazaqstan Respýblıkasynyń Prezıdenttigine kandıdat retinde usynylǵany týraly sheshimdi onyń daýysqa túsýge kelisim berýi jónindegi ótinishimen qosa Ortalyq saılaý komıssııasyna usyný. Respýblıkalyq qoǵamdyq birlestikter­diń joǵary organdary, Qazaqstan Res­pýb­lıkasynyń Prezıdenttigine kandıdattar. (55-b. 2-t., 3-t. 2) t-sha) 4. Qazaqstan Respýblıkasynyń Prezıdenttigine kandıdattyń oǵan Qazaqstan Respýblıkasy Konstıtýsııasynyń 33-ba­by­nyń 2, 3-tarmaqtarynda, 41-babynyń 2-tarmaǵynda jáne «Qazaqstan Respýb­lı­kasyndaǵy saılaý týraly» Qazaqstan Res­pýblıkasynyń Konstıtýsııalyq zańynda qoıylatyn talaptarǵa sáıkestigin anyqtaý. Ortalyq saılaý komıssııasy. Azamattyń ózin-ózi usyný týraly óti­nishin nemese respýblıkalyq qoǵamdyq birlestiktiń joǵary organynyń kan­dıdatty usyný týraly hattamasynyń úzindisin kandıdattyń daýysqa túsýge kelisimi týraly ótinishimen qosa tap­syrǵan kezden bastap bes kún ishinde. (54-b.) 5. Buqaralyq aqparat quraldarynda saılaý ýchaskeleriniń shekaralaryn, ýchaskelik saılaý komıssııalarynyń quramyn jarııalaý. Tıisti ákimder. Aýdandyq, qalalyq saılaý komıssııalary. Saılaý taǵaıyndalǵannan keıin jeti kún­nen – 2011 jylǵy 11 aqpannan keshiktirmeı. (17-b. 2-t., 23-b.) 6. Buqaralyq aqparat quraldarynda aýmaqtyq saılaý komıssııalarynyń qura­myn jarııalaý. Oblystyq, Astana jáne Almaty qalalyq saılaý komıssııalary. Saılaý taǵaıyndalǵannan keıin on kún­nen – 2011 jylǵy 14 aqpannan ke­shik­tirmeı. (13-b. 4-t.) 7. Qazaqstan Respýblıkasynyń Prezıdentin saılaý jónindegi saılaýshylardyń tizimderin jasaý. Tıisti ákimder. Daýys berý bastalardan jıyrma kún buryn – 2011 jylǵy 13 naýryzda aıaqtalady. (24-b. 1, 5-t.t.) 8. Qazaqstan Respýblıkasynyń Prezıdentin saılaý jónindegi saılaýshylardyń tizimderin tıisti saılaý komıssııasyna akt boıynsha tapsyrý. Tıisti ákimder. Daýys berý bastalardan jıyrma kún buryn – 2011 jylǵy 13 naýryz. (24-b. 5-t.) 9. Qazaqstan Respýblıkasynyń Prezıdenttigine kandıdattardyń senim bildirgen adamdaryn tirkeý jáne árqaısysyna tıisti kýálik berý. Aýmaqtyq saılaý komıssııalary. Senim bildirilgen adamdardyń tizimderi tirkeý úshin berilgen sátten bastap. (14 b. 2-1) t-sha) 10. Qol qoıý paraqtaryn berý. Ortalyq saılaý komıssııasy. Kandıdattyń Qazaqstan Respýblı­ka­sy­nyń Konstıtýsııasynda jáne «Qazaq­stan Respýblıkasyndaǵy saılaý týra­ly» Qazaqstan Respýblıkasynyń Kons­tıtýsııalyq zańynda qoıylǵan talap­tarǵa sáıkestigi tekserilgennen keıin beskúndik merzimnen keshiktirmeı. (56-b. 3-t.) 11. Tıisti teleradıohabarlaryn taratý uıymy, merzimdi baspasóz basylymynyń redaksııasy tirkelgen Qazaqstan Respýb­lı­kasynyń Prezıdenttigine kandıdat­tar­ǵa efırden jáne baspasózden oryn berý tóleminiń mólsheri, sharttary men tártibi týraly málimetterdi habarlaýy jáne jarııalaýy ári olardy Ortalyq saılaý komıssııasyna berýi. Qazaqstan Respýblıkasy Baılanys já­ne aqparat mınıstrligi. Buqaralyq aqparat quraldary. Saılaýdyń taǵaıyndalǵany týraly sheshim resmı jarııalanǵannan keıingi on­ynshy kúnnen – 2011 jylǵy 14 aqpannan keshiktirmeı. (28-b. 3-t.) 12. Qazaqstan Respýblıkasynyń Prezıdenttigine kandıdatty qoldap qoıylǵan qoldardyń rastyǵyn pasport qyzmeti qyzmetkerlerin qatystyra otyryp tekserý jáne Ortalyq saılaý komıssııasyna jiberiletin tıisti hattamany resimdeý. Oblystyq, Astana jáne Almaty qa­la­lyq saılaý komıssııalary. Qazaqstan Respýblıkasy Ádilet mı­nıstr­liginiń jáne Qazaqstan Respýblı­kasy Ishki ister mınıstrliginiń aýmaq­tyq qyzmetteri. Qol qoıý paraqtaryn tapsyrǵan kúnnen bastap onkúndik merzimde. (56-b. 7-t.) 13. Turǵylyqty jeri boıynsha salyq organdaryna 2011 jylǵy 1 aqpanǵa Qa­zaqstan Respýblıkasynyń ýákiletti memlekettik organy belgilegen tártippen jáne nysanda tabysy men múlki týraly deklarasııalar tapsyrý. Kandıdat pen onyń jubaıy (zaıyby). Kandıdatty tirkegenge deıin. (59-b. 2-t.) 14. Qazaqstan Respýblıkasynyń Prezıdenttigine kandıdattardy tirkeý jáne árqaısysyna tıisti kýálik berý. Ortalyq saılaý komıssııasy. Kandıdattar barlyq qajetti qujattar­dy tapsyrǵannan keıin bastalady jáne 2011 jylǵy 2 naýryzda aıaqtalady. (59-b. 4-t., 7-t. 2) t-sha) 15. Prezıdenttikke kandıdattardyń saı­laý qorlaryn Qazaqstan Respýblıkasy Ortalyq saılaý komıssııasynda tirkeý. Qazaqstan Respýblıkasynyń Prezı­dent­tigine kandıdattar, olardyń senim bildirgen adamdary. Prezıdenttikke kandıdat Qazaqstan Res­pýblıkasy Ortalyq saılaý komıssııa­synda ótinish jasaǵan sátten bastap bir jumys kúni ishinde (Qazaqstan Res­pýb­lıkasy Ortalyq saılaý komıssııasynyń 2010 j. 19.08. № 7/8 qaýlysy). (34-b. 2-t.) 16. Prezıdenttikke kandıdattardyń saı­laý qorlarynyń arnaýly ýaqytsha shot­taryn ashý. Ortalyq saılaý komıssııasy. Kandıdat tirkelgennen keıin. (34-b. 6-t.) 17. Qazaqstan Respýblıkasynyń Prezıdenttigine kandıdattardy tirkeý týraly habardy buqaralyq aqparat quraldarynda jarııalaý. Ortalyq saılaý komıssııasy. Kandıdattar tirkelgennen keıingi jetinshi kúnnen keshiktirmeı. (59-b. 7-t. 1) t-sha) 18. Kandıdat pen onyń jubaıy (za­ıy­by) jarııalaǵan tabysy jáne múlki tý­raly málimetterdiń durystyǵyn tekserý. Salyq qyzmeti organdary. Kandıdat tirkelgen kúnnen bastap on bes kún ishinde. (59-b. 2-t.) 19. Saılaý aldyndaǵy úgitti júrgizý. Tirkeý merzimi aıaqtalǵan kezden bas­ta­lyp, saılaý bolatyn kúnniń aldyndaǵy kúni jergilikti ýaqyt boıynsha nól sa­ǵatta aıaqtalady (2011 jylǵy 3 naý­ryz­da bastalady jáne 1 sáýirde saǵat 24-te aıaqtalady). (27-b. 2-t.) 20. Úgittik baspa materıaldaryn orna­las­tyrý úshin oryndar belgileý jáne olar­dy jabdyqtaý. Jergilikti atqarýshy organdar jáne tıisti aýmaqtyq saılaý komıssııalary. Saılaý taǵaıyndalǵan kúnnen bastap saılaý aldyndaǵy úgit bastalǵanǵa deıin – 2011 jylǵy 4 aqpannan bastap 2011 jylǵy 2 naýryzǵa deıin. (28-b. 6-t.) 21. Kandıdattarǵa saılaýshylarmen kezdesý úshin sharttyq negizde úı-jaılar berý. Bólingen úı-jaıda kandıdattardyń saı­laýshylarmen kezdesýleriniń kestesin jasaý jáne ony buqaralyq aqparat qural­darynda jarııalaý. Jergilikti memlekettik basqarý jáne ózin-ózi basqarý organdary. Tıisti aýmaqtyq saılaý komıssııalary. Saılaý aldyndaǵy úgitke daıyndyq ba­rysynda jáne saılaý aldyndaǵy úgitti júrgizý kezeńinde. (28-b. 4-t.) 22. Shet memleketter men halyqaralyq uıymdardyń baıqaýshylaryn akkredıtteý. Ortalyq saılaý komıssııasy Qazaqstan Respýblıkasy Syrtqy ister mınıstr­liginiń usynýy boıynsha. Usynym kelip túsken kezden bastalyp, daýys berý kúninen bes kún buryn – 2011 jylǵy 28 naýryzda aıaqtalady. (20–1-b. 2-t.) 23. Qazaqstan Respýblıkasynyń Prezıdentin saılaý jónindegi saılaýshylardyń tizimderin tanysý úshin saılaýshylarǵa usyný. Ýchaskelik saılaý komıssııalary. Daýys beretin kúnge on bes kún qal­ǵan­da – 2011 jylǵy 18 naýryzdan keshiktirmeı. (26-b. 1-t.) 24. Saılaý ýchaskelerinde daýys berý ýaqyty men orny týraly saılaýshylardy habardar etý. Ýchaskelik saılaý komıssııalary. Daýys berý ótkiziletin kúnge on kún qal­ǵannan – 2011 jylǵy 23 naýryz­dan keshiktirmeı. (38-b. 2-t.) 25. Jekelegen saılaý ýchaskelerinde, qa­jet bolsa, daýys berýdi bastaý men aıaq­taý­dyń ózge ýaqytyn belgileý jáne ol tý­raly sheshimdi saılaýshylardyń nazaryna jetkizý. Aýmaqtyq saılaý komıssııalary. (38-b. 1-t.) 26. Saılaý bıýlletenderin ýchaskelik saılaý komıssııalaryna jetkizý. Aýmaqtyq saılaý komıssııalary. Saılaýdan kem degende bir kún buryn – 2011 jylǵy 1 sáýirden keshiktirmeı. (37-b. 3-t.) 27. Daýys berýge arnalǵan saılaý ýchaskelerin ashý jáne tıisti hattamany jasaý. Ýchaskelik saılaý komıssııalary. Daýys berý bastalardan bir saǵat buryn. (2011 jylǵy 3 sáýirde jergilikti ýaqyt boıynsha saǵat 6.00-de) (40-b. 1-t.) 28. Qazaqstan Respýblıkasynyń Prezıdentin saılaý jóninde daýys berýdi ótkizý. Ýchaskelik saılaý komıssııalary. Saılaý kúni, eger daýys berýdiń ózge ýaqyty belgilenbese, 2011 jylǵy 3 sáýirde, jergilikti ýaqyt boıynsha saǵat 7.00-den 20.00-ge deıin. (38-b. 1-t., 42-b.) 29. Qazaqstan Respýblıkasynyń Prezı­den­­tin saılaý kezindegi daýystardy sanaý já­ne daýystardy sanaý týraly hattamany jasaý. Ýchaskelik saılaý komıssııalary. Eger daýys berý ýaqyty ózgertilmegen bolsa, 2011 jylǵy 3 sáýirde jergilikti ýaqyt boıynsha saǵat jıyrmada bas­ta­lady jáne daýystardy sanaý bas­tal­ǵannan keıingi on eki saǵattan asyr­maı júrgiziledi. (43-b.) 30. Qazaqstan Respýblıkasynyń Prezıdentin saılaý jónindegi saılaý ýchaskelerinde daýys berýdiń nátıjeleri týraly hattamany aýdandyq, qaladaǵy aýdandyq, qalalyq saılaý komıssııalaryna tapsyrý. Ýchaskelik saılaý komıssııalary. Daýystardy sanaý aıaqtalyp, hattama jasalǵan soń – dereý. (18-b. 8) t-sha, 43-b.) 31. Hattamanyń kóshirmesin jalpy­jurt­tyń tanysýy úshin saılaý ýchaskesiniń úı-jaıyndaǵy arnaıy belgilengen orynǵa ilý. Ýchaskelik saılaý komıssııalary. Hattama toltyrylyp bolǵan soń – dereý. (43-b. 8-t.) 32. Qazaqstan Respýblıkasynyń Prezıdentin saılaý kezinde aýdanda, qaladaǵy aýdanda, qalada daýystardy sanaýdyń ná­tı­jelerin anyqtaý, tıisti hattamany jasaý jáne ony oblystyq, Astana, Almaty qalalyq saılaý komıssııasyna tapsyrý. Aýdandyq, qaladaǵy aýdandyq, qalalyq saılaý komıssııalary. Hattama toltyrylyp bolǵan soń – dereý. (62-b. 1-t.) 33. Qazaqstan Respýblıkasynyń Prezıdentin saılaý kezinde oblysta, Astana jáne Almaty qalalarynda daýystardy sanaýdyń nátıjelerin anyqtaý, tıisti hattamany jasaý jáne ony Ortalyq saılaý komıssııasyna tapsyrý. Oblystyq, Astana jáne Almaty qala­lyq saılaý komıssııalary. Hattama jasalǵan kúnnen bastap eki­kún­dik merzimnen asyrmaı – 2011 jyl­ǵy 5 sáýirden keshiktirmeı joldanady. (62-b. 1-t.) 34. Qazaqstan Respýblıkasynyń Prezıdentin saılaý qorytyndylaryn anyqtaý. Ortalyq saılaý komıssııasy. Saılaý ótkizilgennen keıin jetikúndik merzimnen – 2011 jylǵy 9 sáýirden keshiktirmeı. (12-b. 10) t-sha, 44-b. 1, 3-t.t., 65-b. 1-t.) 35. Saılanǵan Qazaqstan Respýblıka­sy­nyń Prezıdentin tirkeý. Ortalyq saılaý komıssııasy. Saılaý ótkizilgen kúnnen bastap jeti­kún­dik merzimde – 2011 jylǵy 9 sáý­irden keshiktirmeı. (45-b., 66-b. 1-t.) 36. Qazaqstan Respýblıkasynyń Prezıdentin saılaý qorytyndylary týraly ha­bardy buqaralyq aqparat quraldarynda jarııalaý. Ortalyq saılaý komıssııasy. Saılaý ótkizilgen kúnnen bastap on kúnnen – 2011 jylǵy 12 sáýirden keshiktirmeı. (12-b. 10) t-sha, 44-b. 4-t. 1) t-sha) 37. Kandıdattardyń saılaý qorlaryna túsken aqshanyń jalpy somasy jáne onyń kózderi týraly málimetterdi buqaralyq aqparat quraldarynda jarııalaý. Ortalyq saılaý komıssııasy. Saılaý qorytyndylary jarııalanǵan kún­nen bastap on kúnnen – 2011 jyl­ǵy 22 sáýirden keshiktirmeı. (34-b. 4-t.) __________ Eskertpe: Kúntizbelik jospardyń máti­ninde «Qazaqstan Respýblıkasyndaǵy saılaý týraly» Qazaqstan Respýblıkasy Kons­tıtýsııalyq zańynyń normalaryna sil­temeler berildi.