Jetistikterimiz saralanǵan kezdesý

Kaır qalasynda Qazaqstannyń Mysyrdaǵy elshiliginiń «Qazaq­stan-Mysyr dostyǵy qaýym­dastyǵy» múshe­lerimen kezdesýi ótkizildi. Oǵan qaýym­dastyqtyń bas hatshysy F.Týǵan, MAR parlamentiniń depý­taty Ý.Ál-Abd, Ýaqyftar mınıstri­niń orynbasary H.Hamıd, Mysyrdyń Qazaqstandaǵy burynǵy elshisi N.Salıama, Qazaqstan-Mysyr Iskerlik keńesiniń teń tóraǵasy A.Kılanı, Arab memleketteri lıgasy órkenıetter únqatysýy jónindegi departamentiniń dırektory S.Bıbars, sondaı-aq, birqatar mınıstrlikter men vedomstvolardyń, sarapshylar men ǵylymı ortalardyń, jetekshi BAQ ókilderi qatysty. Bul Qazaqstan dostarynyń kezek­ti otyrysy elimizdiń jáne onyń Kósh­basshysy N.Á.Nazar­baev­tyń turaq­ty jáne damyǵan memleketti qurýǵa, óńirdegi jáne jalpy álemdegi beı­bit­shilik pen qaýipsizdikti nyǵaıtýǵa baǵyt­talǵan sońǵy bastamalary men jetistikterine arnaldy. Atap aıtqanda, Qazaqstannyń Mysyrdaǵy elshisi B.Aryn Memleket basshysy usynǵan «Álem. HHI ǵasyr» manıfesiniń negizgi mazmunymen tanystyra otyryp, Qazaqstannyń 2017-2018 jyldary BUU Qaýipsizdik Keńesiniń turaqty emes múshesi retinde saılanýy jáne Qazaqstan Táýelsizdiginiń 25 jyldyǵyn atap ótý sheńberinde elimizde josparlanǵan is-sharalary týraly habardar etti. Qaýymdastyq músheleri Elba­synyń syrtqy saıası bas­tamalaryn joǵary baǵalap, Qazaqstan halqy men basshy­lyǵyn BUU Qaýip­sizdik Keńe­siniń turaqty emes músheligine saılaý­daǵy aı­qyn jeńisimen quttyq­tady jáne Asta­nanyń ıadrolyq qarýdan jáne soǵystardan azat álem qurý isine budan da zor úles qosaty­ny­na senim bildirdi. «Egemen-aqparat»