Kýrortty aımaq ajarlana túspek

Memleket basshysy «Býrabaı» memlekettik ulttyq tabıǵı saıabaǵynyń qyzmeti týraly suhbat berdi Suhbat barysynda Nursultan Nazarbaev týrızm salasynyń qazirgi ahýaly týraly áńgimelep, Býrabaı kýrortty aımaǵyn odan ári damytý jónindegi oılarymen bólisti jáne barsha qazaqstandyqtardy elimizdiń tabıǵı jaýharlaryn saqtaý isine zor kóńil bólýge shaqyrdy, dep habarlady Prezıdenttiń baspasóz qyzmeti. Memleket basshysy Qazaqstan­nyń tabıǵı kórikti jerleriniń ishinde Býrabaıdyń aıryqsha oryn alatynyna nazar aýdardy. – Elimizde týrızm men demalys úshin túrli baǵyttar kóptep sa­nalady. Almatynyń mańyn­da – Alataý taýlary, ǵajaıyp Kól­­­saı, ońtústik Qazaqstanda – Aq­sý-Ja­ba­ǵyly tabıǵı qory­ǵy, re­s­pýb­lıkanyń batysynda – Shal­­qar kóli, Kaspıı teńi­zi, Qa­ra­­ǵan­­dy oblysynda – Qar­qara­­ly, Pav­lo­dar oblysynda – Baıa­­n­aýyl. Ár óńirdiń ózindik kórik­­ti oryn­dary bar, solardyń biri Býra­baı – Qazaqstannyń «mar­­jany». Munda bolǵanda án aıt­­paý, sha­byt­tanbaý múmkin emes. Býra­baı­dyń sulýlyǵyn hal­­qy­­myz ejelden-aq jyrǵa qosqany be­ker emes. Mysaly, aqyn Birjan sal­dyń mynadaı jyr jol­dary bar: «Jer shoqtyǵy – Kókshe­taý, baýy­ryń tolǵan baqsha baý, tóńi­­regiń seksen kól, ıisiń jupar ańqı­­dy-aý». Men bul óńirge kelip júr­­ge­nime 25 jyldan assa da áli tam­­sa­na­myn. Qazir bizdiń basty maqsa­ty­myz – kýrortty aımaq­ty onyń taza­lyǵy men tumsa tabı­ǵa­tyn saq­taı otyryp damytý, tany­mal etý, – dedi Qazaqstan Prezıdenti. Nursultan Nazarbaev sondaı-aq, Táýelsizdik jyldaryn­da kýrortty aımaq ınfraqury­ly­my­nyń aıtarlyqtaı jaqsar­ǵany­na toqtala kele, qazirgi kezde ult­tyq saıabaq Prezıdenttiń is basqar­ma­sy­nyń qaraýynda ekenin atap ótti. – Buryndary barlyq aýyz sý jer­­­gilikti kólderden alynǵan bo­la­­­tyn, sondyqtan ondaǵy sý deń­­geıi tómendeı bastady. Sol sebepti Sergeev sý qoımasynan sý qu­by­ryn júrgizý mindeti qoıyl­dy. Qazir kólderden sý tartý toq­ta­ty­lyp, sý deńgeıi qalpyna keldi. Ekin­shi mindet – óńirdiń ǵajap ta­bı­ǵa­tyn lastamas úshin orta­lyq­­tan­dy­ryl­ǵan jylý berýmen qam­­ta­ma­syz etý. Osy maqsatta jylý elektr ortalyǵy salynýda. Bizdiń aldymyzda turǵan úshinshi mindet – sý qoımalary men ormandardy lastanýdan saqtaıtyn tazartý qu­ryl­ǵylaryn ornatý, – dedi Elbasy. Memleket basshysy atap ót­ken­­deı, kýrortty aımaq elimiz­diń tanymal týrıstik brendi bolyp, qazaqstandyqtar men shetel­dik qonaqtardyń súıikti demalys ornyna aınaldy. – Býrabaı qazirdiń ózinde Qa­zaq­­­­stannyń rámizine aınaldy. El­or­­­da­nyń qasynda ornalas­qan­­­­dyq­­tan, jaqsy avtomagıs­tral bar bol­­ǵan­­dyqtan, sońǵy ýaqyt­ta týrıs­­ter sany artýda. Jyl boı­ǵy de­m­alys úshin bar­­lyq múm­kin­dik­­ter jasalýda. Vel­o­sı­­ped­­pen já­ne jaıaý serýen jol­dary ashyldy, qysta shana­men syrǵanap, at­qa miný­ge, shań­ǵy tebýge bolady. Mun­da iri halyq­ara­lyq is-sha­ra­lar ót­kizýge múmkin­dik­ter bar. My­salǵa, Shetel ınves­t­or­lary keńe­si bolǵanda Býra­baı­da bar­sha álem­niń jetekshi bız­nes­men­deri bas qosty. Bul jerde TMD, EAEO sam­mıt­teri ótti. Olar­ǵa qa­tys­qan mem­le­ket­terdiń bas­shy­lary men úki­met músheleri sol is-shar­a­lar týra­ly iltıpatpen eske alady. Árı­ne, EKSPO-2017 ha­­lyq­­aralyq kór­me­si­ne kelgen qonaq­­tar úshin de Býra­baı­ǵa deıin baǵyt uıym­das­tyry­la­tyn bolady. Kýrortty aı­maq kóp­tegen týrıs­ter­di tartady, bas­ty­sy – olar úshin barlyq qa­jet­­­ti jaǵ­­daı­lardy jasaý kerek. In­f­­ra­­qurylymy damy­ǵan saıyn Býra­baı­dyń ataǵy álem­ge tany­la be­re­tin bolady. Bız­nes­­men­der­diń na­za­ryn osyndaı jaǵdaılar tý­ǵy­­zý­ǵa jáne demalys úshin zamana­ýı jaq­sy keshender salýǵa aýdar­ǵym ke­le­di, – dedi Nursultan Nazarbaev. Sońynda Qazaqstan Prezıdenti Býra­baı ulttyq saıabaǵynyń damýy kóp jaǵdaıda bizdiń elordamyzben baılanysty ekenine nazar aýdardy. – Qazir Astana mańynda úlken aglomerasııa qalyptasyp keledi. Is júzinde, elorda men kýrortty aımaq arasyndaǵy qashyqtyq qysqarýda. Bolashaqta shaǵyn avıasııa ushyp, tikushaq kóligi damıdy dep oılaımyn. Men Astanany salý barysynda tabıǵat jaǵdaıy kelmeıdi degenge qaramastan, onyń aınalasyna aǵash otyrǵyzý mindetin qoıdym. Búginde kórip otyrǵanymyzdaı, Astananyń mańyna 73 myń gektarǵa aǵash egildi, bul Býrabaı aýmaǵymen birdeı. Qazirgi ýaqytta eki aımaqtyń orman alqaptaryn biriktirý mindeti qoıyldy, bul jumystyń jartysy atqaryldy. Elimizdiń kez kelgen kórikti oryndaryn damytý úlken kúsh-jigerdi talap etedi, tıisinshe qarajat ta qajet. Degenmen, týrızmge jumsalǵan ár teńge on ese paıda ákeledi. Sondyqtan eli­miz­diń barlyq týrıstik oryndaryna qajetti ınvestısııalar sala otyryp, qolaıly jaǵdaılar jasaý kerek, – dedi Qazaqstan Prezıdenti. Sýretti túsirgender S.BONDARENKO, B.OTARBAEV