Sheber jigittiń «shedevrleri»

«El ishi – óner kenishi». Aıagóz aýdanynyń Mamyrsý aýylyndaǵy asyqtan jasalǵan asyqtyń músini kózge jyly ushyraıtyn ulttyq naqyshtaǵy erekshe músin. Sabyrjan Ǵabbasov atyndaǵy jalpy bilim beretin orta mektebiniń aldynda ornalasqan kompozısııa avtory – beıneleý pániniń muǵalimi Qaırat Sydyqov. Mekteptiń is júrgizýshisi Ásem Sary-bae­va­nyń aıtýynsha, aýyldy abattandyrýǵa aı­ryqsha úles qosyp júrgen muǵalim sonymen birge, tyrnalar músinin, «О́rkenıetti Qazaqstan» atty úsh kompozısııadan quralǵan fıtonyń da avtory. – Qaırat – joǵary sanatty muǵalim. Kóp­tegen óńirlik baıqaýlardyń jeńimpazy. On saýsaǵynan óner tamǵan ol qystygúni aýyl balalaryna tartý retinde muz músinder de jasaıdy, – deıdi áriptesteri. Asyqty qurastyrýǵa 1080 dana asyq jum­salǵan. Bul asyqtardy mektep dırektory Rıfhat Zaıtuly jınap, músinshige tapsyrǵan eken. Qaırat kópten kókeıinde júrgen asyqtyń beınesin aldymen temirden ıip jasap, sodan soń temir qańqaǵa asyqtardy arnaıy jelimmen jap­syryp shyqqan. Bir metrlik tuǵyry beton­nan quıylyp, oıý-órnekpen ádiptelgen. Al asyq mú­sininiń bıiktigi – 60, eni 30 santımetr­ge teń. Mektepte 20 jyldan astam ýaqyt ustazdyq etip kele jatqan Qaırattyń talantty shákirt­teri barshylyq. Olardyń arasynda otandyq telearnalarda kórsetilip júrgen «Álı men Aıa», «Báıterek» mýltfılmderiniń kór­kem­deýshi sýretshileri de bar. Dýman ANASh, «Egemen Qazaqstan» Shyǵys Qazaqstan oblysy, Aıagóz aýdany