- Eýrazııalyq ekonomıkalyq komıssııa medısınalyq buıymdardy ortaq naryqqa shyǵarý úshin Eýrazııalyq ekonomıkalyq odaqtyń normatıvtik bazasyn qurýdy aıaqtady. Qujat medısınalyq buıymdy qoldanýdaǵy mindetti talaptardy qoldaný turǵysynan quqyqtyq retteý qarym-qatynasyn ornatady. Sonymen qatar, EAEO elderimen saraptamanyń bul talaptarǵa sáıkestigin júrgizedi.
- «EKSPO-2017» ulttyq kompanııasy otandyq týroperatorlarmen birlese otyryp, Qazaqstan boıynsha 73 týrıstik marshrýt ázirledi. Kórmege kelgen árbir týrıst Elordanyń kórikti jerlerimen tanysyp qana qoımaı, Qazaqstannyń tarıhı jáne mádenı nysandaryn kórý múmkindigine ıe bolady.
- «Azamattarǵa arnalǵan úkimet» qyzmet kórsetý sapasyn ári qaraı arttyrý sharalaryn qabyldaýda. Fılıaldar qyzmetin baǵalaý úshin KPI dep atalatyn «Negizgi tıimdilik kórsetkishteri» ázirlendi. Munda memlekettik qyzmetterdi elektrondyq formatta kórsetý úlesi, kompozıttik qyzmetterdi endirý, front-ofısterdi jańǵyrtý kórsetkishteri usynylady.
- Jyljymaly medısınalyq keshender 7 oblystyń shalǵaı aýdandaryna barady. 20 maýsym men 20 shilde aralyǵynda oblystyq týberkýlezge qarsy dıspanser mamandary Batys Qazaqstan oblysynyń Aqjaıyq, Terekti, Qaztalov, Bórli aýdandarynda flıýorografııalyq tekserý júrgizedi.
- Ońtústik Qazaqstan oblysy Shardara aýdanynda 1 myń gektardan astam egistik alqaby qaıta aınalymǵa qosylmaq. Atap aıtsaq, Q.Turysbekov, Qosseıit, Kóksý aýyldyq okrýgterinde jalpy uzyndyǵy 94,4 shaqyrym kanaldy jóndeýden ótkizý josparlanyp, búginge deıin onyń 76,9 shaqyrymy qaıta qalpyna keltirildi. Sonymen qatar, 110 dana aǵyn sý tospalarynyń 61-i jańartyldy.
- Bıyl Aqtóbe oblysynda «Jumyspen qamtýdyń jol kartasy-2020» baǵdarlamasynyń birinshi baǵytyn iske asyrýǵa respýblıkalyq bıýdjetten 1,9 mlrd. teńge bólindi. Osy qarajat esebinen 49 ınfraqurylymdyq nysandy jóndeý josparlanýda, onyń 45-i kúrdeli jóndeý jáne 4-i aǵymdaǵy jóndeýden ótedi. Jóndeletin ǵımarattardyń 37-si bilim berý, 6 densaýlyq saqtaý, 5 mádenıet jáne 1 dene shynyqtyrý nysany.
