Kókshetaýda bir erkek azamattyq áıelin uryp óltirdi

Kókshetaýda bir er kisi birge turyp jatqan áıelin uryp óltirdi. Oqıǵa 14 shilde kúni keshqurym oryn alǵan. Aqmola oblystyq ishki ister departamenti baspasóz qyzmetiniń dereginshe, sol kúni «jedel járdem» feldsheri Kókshetaý qalasyndaǵy úılerdiń birinen 31 jastaǵy áıeldiń máıiti tabylǵanyn jetkizgen. Medısınalyq saraptamanyń anyqtaýy boıynsha, ólim syrttan jasalǵan qatty soqqylardyń áserinen qaryn men aǵzalardyń ishki jaǵynan aqqan qannyń qan toqtamaýy saldarynan oryn alǵan. Marqumnyń bet-júzinen soqqylardyń izi tabylǵan. Polısııa áıeldiń azamattyq kúıeýimen jáne 3 jasar baalsymen birge turǵanyn anyqtady. Quqyq qorǵaýshylar kórshilerinen surastyra kelip, bul qandy oqıǵaǵa kelinshek kúıeýiniń tikeleı qatysy bolýy múmkin ekeni týraly boljamdy alǵa tartty. Osynyń nátıjesinde er kisi qamaýǵa alyndy. Tergeý barysynda er kisi sol kúni bolǵan oqıǵany túgel aıtyp berdi. О́ziniń aıtýynsha, er kisi jumystan kelgesin úıdiń shashylyp jatqany úshin azamattyq áıeline eskertý jasaıdy. Áıelinen jaýap ala almaǵasyn, dosynyń úıine ketip qalyp, sonda kúni boıy araq ishedi. Al úıge kelgende, baıaǵy kórinistiń ózgermegenin, úıdiń shashylǵan qalpynda jatqanyn baıqaıdy. Sol kezde ol áıeiliniń ishi men betinen urady. Keıin áıeldiń aýyr halde jatqanyn baıqaǵasyn, «jedel járdem» shaqyrtady. Biraq kelip jetken medıkter onyń ólip qalǵanyn estirtedi. Polısııa atalǵan oqıǵaǵa oraı qylmystyq is qozǵady. Kúdikti qamaýǵa alyndy. Qaraýsyz qalǵan úsh jasar bala kámeletke tolmaǵandardy beıimdeý ortalyǵyna ornalastyryldy. Baqbergen AMALBEK